ISAIA 34:3 - AMÜSÜH HÜM CL Bible (BSI)

³ Arü laksahkhi jipkhita bahbah tüsho arü ashemibonü shuhrhüm münimde yükihshihbah; arü thiyih awungbo kheak bukbah.

ISAIA 34:3 Iomraidhean Croise

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 34:7

Tüsho mütüm moshipungbo, moshi anunu tüsho moshi atoto arü lung keambah. Arü lomi thiyihnü apangkhitbah, tüsho arü lo amüdangnü alüpdobah.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

JEREMIA 22:19

Donki mi bahkhi nangde api mi bahbah, Jirusalem chipiripitbo hode nimkhita tüsho jipkhita bahbah.

JEREMIA 25:33

Ju nimung ching Atungpuhnü alaksahkhi ju alomi akheam kheaknü akheam khülim khiungde alabah. Arübo mütüzho, yungsho mushuhmukhung, yungsho kiuyuka mübah; arübo ju alo kheak sünitmujung kambah.

EZEKIEL 14:19

Yungsho ju lomi ching inü arüm yüshihkhülaa tüsho thiyih bukshihde, mihtsürü tüsho arü shiwühbo laksahde I mulong zhipzhipkhülaa,

EZEKIEL 32:4

Inü nü alo kheak bahbah, mükeak ching inü nü jiba bahbah, tüsho thüning wuhnubo alala nü kheak keamshihbah, tüsho inü lomi alala shiwühbonü nü tsühshihbah.

EZEKIEL 35:6

jumonü I lale, Atungpuh Thrünpuhnü thachoh, Inü thiyih thsungkheak nü thsakhambah, tüsho thiyihnü nü müshambah; tümütüsho nünü thiyih bukkhi müthranean, thiyih bukkhinü nü müshambah.

EZEKIEL 38:22

Arüm-tukthsü tüsho thiyih bukde inü api kheak mahkhappü ching yüzahbah; tüsho inü api le api lung lakhi mihtsürü ahihdo kheak düchi tsüng tüsho arubo, mo tüsho motsüng akishihbah.

EZEKIEL 39:11

Ju nimung Israel ching mibahpung thsüpü Gog kilim dangpung khülang jihbah, keto aniakhiuklim Hantsahrü Jindükhün labah; hanü hantsahrü limro khudobah, tümüde ju ching Gog tüsho api mihbo kiuyuka bahbah; ha Hamon-gog Jindükhün de ajibah.

EZEKIEL 39:4

Nü tüsho bonungrü le nü lung lakhi mihtsürü alala Israel müzüngbo kheak keambah. Inü nü shihtsüh wuhnu mungjibo tüsho mütüm shiwühbo tsühshihpü jihbah;

JOEL 2:20

Inü dukulim bonungrü nüsa kheaknü limshude atsoshihbah, tüsho loshelo le tümü masürükhi lo ching yana yüshihbah, mikhuh larübo aniakhiuklim keto ching, tüsho dunglimrü aniyüzahlim keto ching tsoshihbah; ashemibo shuhrhüm münimbah. Tümütüsho arünü nüsa kheak tode rhimodo.

AMOS 4:10

Inü Ijip kiphahde nüsa bolung arüm-tukthsü arüshih; inü nüsa athrününgtsüngbo nukshangnü laksah; inü nüsa khorabo hande tso; tüsho inü nüsa binkheampung shuhrhüm nüsa nupung khün ching wutushih; tütüshe nüsanü I kilim murholo, Atungpuhnü thachoh.

NAHUM 3:3

Khoraberünü müneahchoh, nukshang phürapchoh tüsho thsüh rakrakchoh, ashekhi keamkihchoh, ashemibo mujunglah, ashemi pangbo mükhebin– arübo ju mibo kheaknü mürhelochoh!

AMIKHEAKAKHIUKKHI 14:20

kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.