ISAIA 34:16 - AMÜSÜH HÜM CL Bible (BSI)

¹⁶ Yimang tüsho Atungpuh hüm chingnü kheang: Harü bolung khülang she mülakphah; sheshe drepung mabande müla. Tümüde Atungpuh münnü thiyukhüm jihdo, tüsho api menü arü bemukhungdo.

ISAIA 34:16 Iomraidhean Croise

THRÜNTAN 6:17

Inü thüning bukkhüp rhangdung sheak lakhi loriloko alala dükheakshihpü alomi kheak keking arüshihbah; alomi kheak lüpdükhi ashebah.

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

MUNGSHIKHÜN 33:9

Tümüde apinü asuk, tüsho ju rhimo; apinü thiyukhüm jih, tüsho ju düküngde zhip.

MÜCHITMUDU 23:12

Thsangdankhi lim nü mulong, tüsho mükheahmudu yubo lim nü nükhünbo jihang.

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 14:31

Tüzhode tripang, O chipiripit; zhiang, O kiuto, atrekhinü niuang, O Filistia, nüsa alala! Tümüde dukulimnü mokhüh akichoh, tüsho ju mulong zahkhi yakkihrü bonungrü ah.

ISAIA 21:17

tüsho Kedar thirithsürü sanglühbo aningkhi nükde alabah; tümüde Atungpuh , Israel Thrünpuhnü asukdo.

ISAIA 30:8

Kheakü yüang, ha arü miki lungbeak khülang kheak thrütang, tüsho hüm ching thrütyukang, junangde lünnü arübe thsungkheak thiyumütsan labah.

ISAIA 40:26

Nü mükjibo achang kheak züngkihang tüsho kheahang: Shenü harü thrünkhea? Shepünü chining boto akhiukshih tüsho arübo khecho, arü alala mungnü jichoh; tümütüsho api sühmüh ching tolah, wu ching tolah, khülang she mükhemüdüm.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 58:14

judüki Atungpuh lung nünü asühbah, tüsho inü nü alomi achangbo kheak tsahshihbah; inü nüsa jipürü Jakob yamrüplurüpnü nü kipduhbah, tümüde Atungpuh münnü asukdo.

DANIEL 10:21

tüshe akhuhde Thiyuro Hüm ching tümü thrüta lanü inü nü ki thabah: Maikel kheak hode I rungrü she müla.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

MALAKI 3:16

Judüki Atungpuh wüntrerünü khülangnü khülang ki asukachih. Atungpuhnü ju ani tüsho so tüsho Atungpuh wüntrerü tüsho api mung ching lümrü lümkhitpü hüm api miki thrüta lakheah.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

LUKNÜ ATHRÜTKHI THIYUSHEAK-ATSÜ HUHTANYU 21:33

Thüning tüsho alomi hode atsobah, tüshe I yubo küyimkishe hode mutso.

JOHAN 10:35

Apinü Thrünpuh yu arüshihrü ki thrünpuhbo de jisho (tüsho amüsühyu ju müthsümünimkhuk),

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUZÜNGTHALO 31:21

Tüsho küyimki amütsübo tüsho thsümütsübo arü kheak arübanü, ha khünnü arü azhihde thiyumütsan thsübah; tümütüsho arü tsühsoniusobonü mümihabah, tümüde inü arü kilim jihpü thiyuchihchimkhi lo lim bede müyüyide arü lümkhi inü mükheahlah.”

JIHUSUA 1:8

Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.