ISAIA 33:9 - AMÜSÜH HÜM CL Bible (BSI)

⁹ Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 33:9 Iomraidhean Croise

JOB HU H T ANYU 15:33

Api ju aso mümünde aniungkhikhi kurungaso, tüsho abünbo ayokhikhi oliv sangdung nangde alabah.

KHÜNBOLUNGKHÜN 2:1

I a Sharon sangbün khülang ah, jindükhünbo thrilung sangbün khülang ah.

ISAIA 10:34

Apinü murung akheah ju awünü akiukheambah, tüsho Lebanon atsüdak sangdungbo she akeambah.

ISAIA 14:8

Saipress sangbonü nü kurungkheak asühchoh, Lebanon cedarbonü thachoh, ‘ Tümütüsho nü abukkhüp yapmonü, isa kiushakpü she marü.’

ISAIA 2:13

Lebanon cedarbo alala, changdealümrü tüsho shuhkih-a lakhi azhihde; tüsho Bashan thülamsang alala azhihde;

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 29:2

Tütüshe inü Ariel lümthsünü jihbah, tüsho ju ching mitripkhi tüsho atüzhokhi labah, tüsho alibe ju I ki Ariel nangde alabah.

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

ISAIA 65:10

I yimrü I mihtsürübo thsungkheak Sharon ju mihnu boto yimtsühpung kambah, tüsho Akor jindükhün ju moshibo yappung kambah.

JEREMIA 50:19

Inü rimlopung ching Israel belodarübah tüsho Karmel kheak le Bashan ching yimtsühshihbah, tüsho Ephraim wungbo kheak Gilead ching apinü akünkhi reangkeambah.

HOSEA 4:3

Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

YUNIRÜBO RHIMO 9:35

Lydda tüsho Sharon ching larü alalanü api ngü, tüsho Atungpuh kilim rholo.

YUZÜNGTHALO 3:4

Judüki isanü kiutobo alala lu; isanü amulukhi kiuto khülang lang she mülade alakheah: kiuto 60, Argob kewung alala, Bashan ching Og kiulongthsü.