ISAIA 33:8 - AMÜSÜH HÜM CL Bible (BSI)

⁸ Limto bahkhitdo, hantsahrünü limro zhikshihdo. Binthrüm thsümünimdo, thiyuchihchimkhi lakmünimdo, she kheak she akin müjih.

ISAIA 33:8 Iomraidhean Croise

MUNGSHIKHÜN 10:5

Api limrobo kamruhroro akuk ngüchoh; nü mahkhapkhibo api mikinü changde lah; apinü anihbuh riribo alala mükhemürangchoh.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 36:1

Kiulongthsüpuh Hezekia kam thürükheak phüyipü ching, Asiria Kiulongthsüpuh Sennakeribnü chipi ayünkhi Juda kiuto alala yanpü atu tüsho yankhit.

TÜZHOKHI 1:4

Zion limrobo tüzhochoh tümüde thünio ching shenü marü; anihbe chipiripit alala zhika lah, anihbe amükeamrübo ashechoh; anünürübonü mulong rozhakchoh tüsho anihbe thsünü akhüh ching lah.

LEVI 26:22

Inü nüsa azhihde mütüm shiwüh dükhebah, tüsho jurünü nüsa tsührübo nguhsahbah, nüsa yo akam-shiwüh nguhsahbah; arünü nüsa anükhüh lang aningshihbah tüsho nüsa limdungtobo zhikabahshihbah.

MAHKHAPRÜ 19:17

Küyimki zünga kheahkhea, apinü kiuto wungdo phulung ching hantsahrü ngü; tüsho ashinbuhnü tha, “Nüsa küchingnü arücho tüsho külim yücho?”

MAHKHAPRÜ 5:6

Anath tsührü, Shamgar nimungbo ching limtobo ching mütsahdebah tüsho hantsahrübonü limkeanganubo chingnü tsah.

1 SAMUEL 17:10

Tüsho Filistiabuhnü tha, “ Khihni inü Israel duklangkhi münitchoh! I kilim mihtsürü khülang jihang, tüsho ike keochihbah.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”