ISAIA 33:6 - AMÜSÜH HÜM CL Bible (BSI)

⁶ api nüsa kim ching khimtan labah, akhümkhit, lümlung tüsho amükheah muzhomopungde lah; Atungpuh wüntrekhi ju Zion rahpung lah.

ISAIA 33:6 Iomraidhean Croise

2 KIULONG THSÜRÜ 18:7

Atungpuh api lung lakheah; api yüpung alala ching akuk ngü. Apinü Asiria kiulongthsüpuh azhih tüsho api mütankih.

JOB HU H T ANYU 4:6

Nünü Thrünpuh wüntrekhi ju nü mulongram, tüsho nü thiyuro limrobo ju nü mulonglam yung de?

MUNGSHIKHÜN 140:7

O Atungpuh T HRÜNPU H , I akhümkhit sühmüh, nünü keochih nimung I ku muhiudojih.

MUNGSHIKHÜN 28:8

Atungpuh ju api mihtsürü sühmüh, api ju api yo mujude-mokhitkhi akhümkhit tsoyukpung ah.

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

MÜCHITMUDU 14:24

Lümlung larü kuthran ju arü lakhitbo lah, tüshe makharü mudukmükekhi ju makhakhi sangbünlak ah.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

MÜCHITMUDU 14:27

Atungpuh trekhi ju rhangdung kenü ah, junü ashe müthrim bahkhichoh.

MÜCHITMUDU 15:16

Küpkhuk lade rahpung ato lakhi kheaknü Atungpuh trede anikhüh lakhi atsübe.

MÜCHITMUDU 19:23

Atungpuh trekhinü rhangdung lim bechoh, tüsho shepü ha lanü reangkeamde alabah; api a thsümütsü müngü.

MÜCHITMUDU 2:5

judüki Atungpuh trekhi anikhitbah, tüsho Thrünpuh mükheahmudu ngübah.

MÜCHITMUDU 28:2

Tümütüsho lomi thsümünimkhinü, yakzanshuhrü hihde lah; tüshe anikhitkhi tüsho mükheahmudu mihtsürünü thiyukhüm ahorichoh.

MÜCHITMUDU 29:4

Kiulongthsürünü thiyuro hode alomi düküngshihchoh, tüshe shepünü buknimbo leangkhichonü ju thokheamchoh.

T H S AN GYU T H S AN GR ARÜ 7:12

Sho ha kurampung lakhi nangde lümlung ha kurampung ah, tüshe mükheahmudu alü thsükhi ju lümlung larü junü rhangdung jihchoh.

T H S AN GYU T H S AN GR ARÜ 7:19

Lümlungnü lümlung larü kilim kiuto yakzanshuhrü 10 kheaknü alü sühmüh jihchoh.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 32:17

Thiyurolungki rhimokhi ching mungtsü labah, tüsho thiyuro-lungki hode akhiukkhi ju lünnü keamram tüsho akinashu labah.

ISAIA 32:18

I mihtsürübo mungtsü lapung ching kurampung tüsho keamramde sühakhimpung ching labah.

ISAIA 33:20

Zion kheak kheahang, thüniopü mokhitkhi isa kiuto! Nüsa müknü Jirusalem ngübah, keamramkhi lapung, makhinkhi khimyam, küpü dungjingbo küyimki she muthokhitbe la, tüsho müyihshakpü la.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 51:14

Junoa larü nahde adükhebah; arü müshe tüsho alokhün ching müyüzah, yungsho arü yikhap mümükheak.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

1 TIMOTHI 6:6

suhdahlah de lümsho akinkhi ching alü ato lah;