ISAIA 33:5 - AMÜSÜH HÜM CL Bible (BSI)

⁵ Atungpuh shuhkih-a lah, api achang kheak lah; apinü thiyuro tüsho thiyuro-lungkinü Zion mishihdo;

ISAIA 33:5 Iomraidhean Croise

MUNGSHIKHÜN 118:16

Atungpuh khah tsülim shuhkih-a lah; Atungpuh khah tsülimnü müzhakde rhimochoh.

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

ABEKHIT 15:1

Judüki Mosa tüsho Israelrünü ha khün thsü, “Inü Atungpuh ki khün thsübah tümüde apinü müretahde akuk ngüdo; khora tüsho api kheak binrü keto ching jipa yüzahshih.

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 28:6

tüsho mahkhap ching binbuh kilim thiyuro me khülang, tüsho chipiripit ki keochih khamlorü kilim sühmüh labah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 32:1

Kheahang, kiulongthsürü khülangnü thiyuro-lungki ching kiulongthsübah, tüsho yakzanshuhrübonü thiyuro ching yakzan shuhbah.

ISAIA 33:10

Atungpuhnü thachoh, kheakü I shuhkihbah, kheakü I wusubah;

ISAIA 33:4

Lungbünnü hanmukhungkhi nangde ayankhikhi kukrukbo hanmukhungdo; tangkhobonü ajukkhi nangde, arünü ju kheak jukchoh.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 56:1

Atungpuhnü ha thachoh: Thiyuro zoang, tüsho alungki rhimoang, tümüde I akhümkhit nahde arübah, tüsho inü thiyurolungki akhiuka huhbah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

ROMRÜ KILIM PAULNÜ ATHRÜTKHI KIHÜM HUHTANYU 11:26

Junangde Israel alala khümkhitbah. Amüsühyunü thachoh, “Zion chingnü abekhitrü arübah, apinü Jakob chingnü amükinrü alala yankhitbah”;

ROMRÜ KILIM PAULNÜ ATHRÜTKHI KIHÜM HUHTANYU 3:26

apinü ju kheakü kim ching api thiyuro-lungki huhpü thsü, junangde api alungki tüsho Jisu kheak akin larü alim-kamshihrü thsübah.