ISAIA 33:23 - AMÜSÜH HÜM CL Bible (BSI)

²³ Nüsa shungliubo niukniuklah; arhükkhi kukruk düngdüng mutholo, yungsho abekhi mütsah. Judüki suhdahde ayankhikhi kukrukbo chama lubah tüsho jingkikrünü she kukruk hana lubah.

ISAIA 33:23 Iomraidhean Croise

2 KIULONG THSÜRÜ 7:16

Judüki mihtsürübonü wukhiuk, tüsho Siriarü binkheampung yankhia lu. Junangde Atungpuh yu yande wheat hi atsüdak khahngak 3 yungsho barli khahngak 6 shotoyinchi 1 mo yin.

2 KIULONG THSÜRÜ 7:8

Küyimki harü apham kihrü mihtsürübonü binkheampung münkheam ki arükhea, arünü khimyam ching yüzahbah tsühyung, shotoyinchi, suna tüsho khimmih hana lu tüsho yübah jurü rama zo. Jushu arü alode arübah khimyam püpü ching yüzah, ju chingnü she kukruk hana lu, tüsho yübah jurü rama zo.

2 KIUTHSÜYUKHEAN 20:25

Küyimki Jehoshaphat tüsho api mihtsürübo arü kheaknü ayankhikhi kukruk lupü arükhea, arünü akam-shiwüh ahihdo, kukrukbo, khimmih tüsho shoto kukrukbo ngü, ju arünü mühankhukpü thsüde mükamyi khiungde arü thsungkheaknü lu; arünü ayankhikhi-kukruk lukhi ching, khide ahihdakkhi hode nimung mahsam bah.

MUNGSHIKHÜN 68:12

“ Kiulongthsürübo le bonungrübo alihde tsochoh, tüsho aliberübo thüyam ching aninga larünü ayankhikhi kukruk chamchoh.

MUNGSHIKHÜN 68:13

Nüsa namfimihnu boto bolung lalashe, nüsa shotoyinchinü alüpdokhi müthrithrümpü ghidükeangbo, tüsho anihbe moghidung suna kelülü nangde alabah.”

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 33:4

Lungbünnü hanmukhungkhi nangde ayankhikhi kukrukbo hanmukhungdo; tangkhobonü ajukkhi nangde, arünü ju kheak jukchoh.

ISAIA 35:6

Judüki jingkikrünü shihmüchi nangde ajukbah, tüsho mulokikrünü asühkhi khün thsübah. Tümüde sunglo ching ke bukkhitbah tüsho loshelo ching yungzü labah;

EZEKIEL 38:13

Sheba tüsho Dedan tüsho Tarshish shothsümolorü tüsho athunu thirithsürübo alalanü nü ki thabah, “Ajangkhikhi lupü nü arükhea de? Ayankhikhi hanpü, shotoyinchi tüsho suna hande atsopü, moshi tüsho kukrukbo hande atsopü, ahüh-a lukhi atokhüh lupü nünü mihbo bemukhungkhea de?”

YUNIRÜBO RHIMO 27:19

Asam nipü arünü sangkungkukrukbo arü khahnü yihkhita bah.

1 KORINT 1:27

tüshe lümlung larü achihshihpü Thrünpuhnü alomi ching makharü mokhit, sühmüh larü achihshihpü Thrünpuhnü alomi ching ayiuhyiuhrü mokhit.

1 SAMUEL 30:10

Tüshe Davidnü api lung mihtsürü 400 bebah müshamde yü; khide keakabahkhinü Besor ayung muhokhukde 200 dunglim tukloabah.