ISAIA 33:22 - AMÜSÜH HÜM CL Bible (BSI)

²² Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 33:22 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

NEHEMIA 10:14

Limberübo: Parosh, Pahathmoab, Elam, Zattu, Bani,

MUNGSHIKHÜN 44:4

Nü I kiulongthsüpuh tüsho I Thrünpuh; nünü nü mihtsürübo kilim akuk ngüshih,

MUNGSHIKHÜN 44:5

tüsho nü wu hode isanü isa riribo kuk.

MUNGSHIKHÜN 50:6

Yinmibonü api thiyuro-lungki khipkhitchoh, tümüde Thrünpuh ju mahkhaprü ah.

MUNGSHIKHÜN 74:12

Tümütüsho adüsonü Thrünpuh ju I kiulongthsüpuh, alomi bolung ching akhümkhit rhimochoh.

MUNGSHIKHÜN 75:7

Tüshe Thrünpuh ju mahkhaprü ah; apinü khülang keamshihchoh, tüsho püpürü shuhkihchoh.

MUNGSHIKHÜN 89:18

Tümüde isa tsung ju Atungpuh yo ah, tüsho isa kiulongthsüpuh Israel Amüsüh Khülang kilim lah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 33:17

Nüsa mükbonü kiulongthsüpuh api akhamkhi ching ngübah; arünü limshude alakhi lomi chinzhinbah.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 41:21

Nüsa lümkhi lubah arang, Atungpuhnü thachoh; nüsa mütsanyubo lubah arang, Jakob kiulongthsüpuhnü thachoh.

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 51:4

I ki aniang, I mihtsürü tüsho I ki anguhang, I trükshih; tümüde I kheaknü thsangyukhi khülang wukhiukbah, tüsho ayin khülang thsungkheaknü I yakzan ju mihtsürübo kilim labah.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

JAKOB 4:12

Akhümkhitpü tüsho athsümünimpü kukkhi yakzan jihrü tüsho thiyukhaprü khülang lah, tüshe nü yamhingrü yukhappü thsüde nü she a?

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

1 SAMUEL 12:12

Tüshe küyimki Amon kiulongthsüpuh Nahashnü nüsa azhihde arükhi nüsanü angükhea, Atungpuh nüsa Thrünpuh nüsa kurungkheak kiulongthsüpuh lalashe nüsanü I ki tha, ‘Yung, tüshe kiulongthsürü khülangnü isa kurungkheak kiulongthsübah.’