ISAIA 33:15 - AMÜSÜH HÜM CL Bible (BSI)

¹⁵ Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

ISAIA 33:15 Iomraidhean Croise

JOB HU H T ANYU 31:7

I jingdükü limro chingnü anguh-a lasho, tüsho I mulongnü I mük yana lasho, tüsho I khahbo müneana lasho;

MUNGSHIKHÜN 106:3

Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 119:37

Müthülünkhi kukrukbo kheahkhi chingnü I mükbo rholoshang, tüsho nü limro ching I thsüphulojang.

MUNGSHIKHÜN 15:5

shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

MÜCHITMUDU 1:10

I tsah-a, amüneanrünü nü münitsho, hehuh düthsü.

MÜCHITMUDU 1:15

I tsah-a, arü lung düyü, arü jingshu ching düjung;

MÜCHITMUDU 10:9

Thiyuro mihtsürü a kuram tsüde tsahchoh, tüshe shepü akhürang limrobo ching lanü aramkhitbah.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

ISAIA 58:6

Inü mokhitkhi khümkeak ha, thiyuro mülakhi liu trünpü, sangkap liu trünpü, junoa larü zuzude yüshihpü, tüsho sangkap alala yihshakpü yung de?

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

EZEKIEL 22:13

Kheahang, nü ahühkhi tüsho alaksahkhi kheak inü I khah adanchoh.

MALAKI 2:6

Thiyuro yakzan api mün ching lakheah, tüsho api münküp kheak amülim tümü müngü. Apinü azhihayih tüsho alungki ching I lung tsah, tüsho apinü ahihkhüh amülim chingnü rholoshih.

WÜHKHE 16:15

Tüsho Mosanü bukakhiukde Atungpuh ki tha, “ Arübonü kingaünkhi düleangkhi: Inü arü yo donki khülang lang she mulu, yungsho arü shepü kheak she amütsü mürhimo.”

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 19:8

Judüki Zakainü zhip tüsho Atungpuh ki tha, “Atungpuh, Atungpuh, inü kukruk shihchamkhüh zhochihrü kilim jihchoh; tüsho inü arükchihnü mudode khürü kilimnü kukruk lua lasho, inü phüyi kinü alü jihlochoh.”

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

1 JOHAN 3:7

Azürübo, shenü she nüsa dümülapyukshih. Api thiyuro-lungki lakhi hode shepünü alungki rhimochonü thiyurolungkirü ah.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”