ISAIA 32:6 - AMÜSÜH HÜM CL Bible (BSI)

⁶ Tümüde makharünü mudukmüke yu asukchoh, tüsho arü lümkhi ju amütsünü makeangde lah: Thrünpuh mümükheahkhi rhimopü, Atungpuh dünkheak lakshi thapü, akhümrü bukmüthsüde zojihpü tüsho kethürirü yungpü tukloshihpü lah.

ISAIA 32:6 Iomraidhean Croise

MUNGSHIKHÜN 141:4

Amütsü rhimorünü mihbukmuyuk rhimokhi ching berungshihpü thsüde amütsü lim I mulong danguhshih; inü arü jimpung dütsühshih.

MÜCHITMUDU 19:3

Mihtsürü khülang nihbuh makhakhinü api rhangdung thsümünimchoh, tüsho api mulongnü Atungpuh chikhichoh.

MÜCHITMUDU 24:7

Makharü thsungkheaknü lümlung ju khide changlah; chipiripit ching apinü amün mükhimshuh.

ISAIA 10:2

küpkhukrü thiyuro chingnü beakhinpü tüsho I mihtsürü zhochihrü alim bephülappü, junangde khimoberübo nüsa yo ayankhikhi kukruk thsübah, tüsho mürerübo nüsa shih thsübah!

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 26:10

Mihbukmuyuk ki amuzho huhsho, arünü thiyuro-lungki mümükheah; alungki lakhi lomi ching arünü bephülapchoh tüsho Atungpuh wüntre-müretah mükheah.

ISAIA 3:15

Nüsanü zhochihrü miro shungthünakde I mihtsürü zünakkhi ha tümü amütsan a? Wuto A TU N GPU H Thrünpuhnü thachoh.

ISAIA 31:2

Tütüshe api she lümlung lah tüsho thsümütsü handarüchoh; apinü anihbuh yubo matrütchoh, tüshe amütsü rhimorü yamkhün azhihde wusubah tüsho amülim rhimorü rungrü azhihbah.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

JEREMIA 13:23

Ethiopiarünü arü küp müthrikhukba de, yungsho sangtsungbonü arü yak müthrikhukba de? Jushu lang nünü she amütsü rhimode alakhi atsü rhimobah.

EZEKIEL 34:18

Nüsa thsungkheaknü rim atsü tsühkhi musuhdah de, tüshe nüsa jingnü nüsa rim aningkhi junakba de? Küyimki nüsanü ke amüsüh yungbanü, nüsanü nüsa jingnü aningkhi rhuzhihzhihba de?

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

AMOS 8:6

shotoyinchinü zhochihrü tüsho jingkhümpü mihbümkhüh mo müthsümülarü thulobah tüsho wheat hi aphüngkhi she ayinbah.”

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

1 SAMUEL 24:13

Awün müchitmudukhinü thachoh, ‘ Mihbukmuyuk rhimorü chingnü mihbukmuyuk rhimo akhiukchoh’; tüshe I khahnü a nü mazhih.