ISAIA 32:5 - AMÜSÜH HÜM CL Bible (BSI)

⁵ Makharü khürükhüh ki mükheahmudurü de müji, yungsho amütsü mihtsürü ju wüntre larü müthsü.

ISAIA 32:5 Iomraidhean Croise

MUNGSHIKHÜN 12:8

Athrip aban mihbukmuyuk lah, mihtsürü bolung amütsürü wüntrechoh.

MUNGSHIKHÜN 15:4

shepü mük ki amütsü mihtsürü mükhemükimcho, tüsho apinü Atungpuh trerü wüntrecho; shepünü nihbuh yuride thiyuchihchimcho tüsho mümüthricho;

ISAIA 32:7

Amütsü mihtsürü lümkhi amütsübo ju rhimo amütsü lah; küpkhukrünü amushuchoki alungki lachoki thsüthsü she arünü akeangyubo thade zhochihrü thsümünimpü lümkhi thsüchoh,

ISAIA 5:20

Nüsa shepünü amütsü ki atsü tüsho atsü ki amütsü jichonü, shepünü amiting ju ayin tüsho ayin ju amiting kamshihcho, shepünü akhüh ju aniung tüsho aniung ju akhüh kamshihchonü are!

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

1 SAMUEL 25:25

I tungpuh, ha mihbukmuyuk Nabal yakli dünkheak sükde dülüm; tümüde api mung yande, api ju ah; api mung Nabal ah, tüsho makhakhi api kheak lah; tüshe I, nü yamlaberünü I tungpuhnü arüshihkhi athrününgtsüngbo müngü.