ISAIA 32:2 - AMÜSÜH HÜM CL Bible (BSI)

² Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 32:2 Iomraidhean Croise

MUNGSHIKHÜN 143:9

O Atungpuh , I riribo kheaknü I bekhitang; inü nü kheak tsoyukchoh.

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 16:3

“ Lümthiyan jihang, thiyuro lungki mülüjang; animuro nü me azhing nangde kamshang; yankhitatsahrü jikshang, tsotsahrü dümülapyuk;

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 28:17

Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 41:18

Inü achangbo kheak ayungbo, tüsho jindükhünbo ching kenübo khimshuhbah; inü sunglo ju kekhip khülang kamshihbah tüsho akunglo kenübo kamshihbah.

ISAIA 43:19

I a aso rhimopü thsüchoh; kheakü mukhuhde akhiukchoh, nünü ju manikhit de? Inü limro aso khülang sunglo ching thsübah tüsho loshelo ching ayungbo lashihbah.

ISAIA 43:20

Mütüm shiwühbonü I ki wüntre jihbah, shirungbo tüsho kewühtopübo; tümüde inü mokhitkhi mihtsürü kilim ayungpü thsüde inü sunglo ching ke jihchoh, loshelo ching ayungbo jihchoh,

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde