ISAIA 32:19 - AMÜSÜH HÜM CL Bible (BSI)

¹⁹ Aru akibah murung ju shahde kheamkheam she tüsho kiuto shahde kingkheamkheam she,

ISAIA 32:19 Iomraidhean Croise

ISAIA 10:18

Api müretahkhi murung tüsho sangaso lo Atungpuhnü me tüsho pang ane chido thsümünimbah, tüsho ju ashebe tukthsünü mihtsürü thsümünimkhi nangde alabah.

ISAIA 10:19

Api sangdungbo aningkhi khide anükbah, junangde azürü khülangnü arü thrüta zokhukbah.

ISAIA 10:33

Kheahang, Wuto Atungpuhnü atrebe wunü sangkhahbo ngamshakbah; sangdung ashangshangbo kiushakbah, tüsho achangbo ju abobe kamshihbah.

ISAIA 24:10

Kumünikhi kiuto thsümünima lungdo, thüyam abande rihdoa lah, junangde shenü müyüzahkhuk.

ISAIA 24:12

Kiuto ching zhikrangkhündo lah, chipiripitbo thsümünimde mütrütthünaka lah.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 26:5

Tümüde apinü achang kheak larübo thokheamdo; adüküng kiuto apinü keamkhishih. Apinü alo kheak yapshih, asungthulung ching bahdo.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 28:17

Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 28:2

Kheahang, Atungpuh lung Wuto tüsho sühmüh lakhi khülang lah, tsüngpungtsüngpung aru nangde, athsümünimbe chinthrüm nangde, amüküp tsüngpungtsüngpung nangde, zhikhiukde abukkhi kebo; api khahnü arübo alo kheak jipkhia bahbah.

ISAIA 29:4

Judüki alo asük chingnü nünü athabah, asungthulung abobe chingnü nü yubo akhiukbah; nü düsheak alo chingnü me düsheak nangde arübah, tüsho nü yu thakhi asungthulung chingnü amütkhitbah.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

NAHUM 1:1

Nineve dünkheak müchityu. Elkoshrü Nahum michih hüm.

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

ZEKARIA 11:2

Tüzhoang, O saipress, tümüde cedar lungdo, tümüde sangbo müretahkhi thsümünimdo! Tüzhoang, Bashan thülamsangbo, tümüde murung akheahbo kiukheamdo!

MATHI 7:25

Tsüng arü, ayungbo düchi arü, apungbo yün, tüsho ju yam kheak nim; tütüshe ju mükeam, tümütüsho ju khimtan lung kheak lakheah.

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;

AMIKHEAKAKHIUKKHI 8:7

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.