ISAIA 32:18 - AMÜSÜH HÜM CL Bible (BSI)

¹⁸ I mihtsürübo mungtsü lapung ching kurampung tüsho keamramde sühakhimpung ching labah.

ISAIA 32:18 Iomraidhean Croise

MUNGSHIKHÜN 107:7

Tüsho apinü arübo alungki limrobo mikhuh be, junangde arünü alapü thsungkheak kiuto lim yüpü lakheah.

ABEKHIT 9:26

Israelrü lapung Goshen lo ching lang arulung mülakheah.

MÜCHITMUDU 24:15

O mihbukmuyuk mihtsürü, thiyuro-lungkirü lapung azhihde jimde dübin; api lakhi dangpung yankhia dülu;

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 14:3

Küyimki nüsa thsünü le thsümüchi tüsho nüsa rhimo amüküp tankihpü chingnü Atungpuhnü nüsa sühakhimshihbanü,

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 28:12

shepü ki apinü tha, “Ha sühakhim; akhirü kilim sühakhim jihang; tüsho ha atsungkheampung”; tütüshe arünü musode alabah.

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 33:6

api nüsa kim ching khimtan labah, akhümkhit, lümlung tüsho amükheah muzhomopungde lah; Atungpuh wüntrekhi ju Zion rahpung lah.

ISAIA 65:21

Arünü thüyambo thsübah tüsho ju ching labah; arünü kurungasolubo thsübah tüsho asobo tsühbah.

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

EZEKIEL 34:28

Arübo küruhkhüh trükshihbonü yankhia mulu, yungsho lomi shiwühbonü mumuyu; arübo akhümkhit ching labah, tüsho shenü arü mütreshih.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

ZEKARIA 3:10

Wuto Atungpuhnü thachoh, ju nimung nüsanü nüsa kurungaso tüsho khubasodung khüp khülangnü khülang jiyukachihbah.”

IBRI 4:9

Junangde Thrünpuh mihtsürübo thsungkheak amuni sühakhim aninga lah;

1 JOHAN 4:16

Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh.