ISAIA 32:13 - AMÜSÜH HÜM CL Bible (BSI)

¹³ Tümüde I mihtsürü lo ching ayangbo tüsho khingphubo mukhuhbah; asühachihkhi kiuto ching asühkhi yamkhün alala thsungkheak tripang.

ISAIA 32:13 Iomraidhean Croise

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

ISAIA 22:2

nüsa azhikhinü mide larü, arhunganimkhi kiuto, asühachihkhi kiuto? Nüsa shekhi ju nukshangnü alaksahkhi yung, yungsho arübo keochih ching shekhi yung.

ISAIA 23:7

Ha nü asühachihkhi kiuto, küpü ying awün nimungbo chingnü la, shepü jingnü anihbe limshu ching lashihpü bekheanü ju a shi?

ISAIA 23:9

Wuto Atungpuhnü müretah kükheangküyang alala khenopü tüsho alomi wüntrekhi alala bahyukpü ha lümkhi thsüdo.

ISAIA 24:11

Yukhu mülakhinü kiudunglimrobo ching azhikhi lah; asühachih alala zhuhmanglangdo kamdo; alomi asühakokhi tsoabahdo.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 34:13

Chipibo kheak ayang mukhuhbah, tüsho khingphu le thurukmüthsübo chipibo ching labah. Ju shirungbo mungpung tüsho kewühtopü lapung kambah.

ISAIA 5:10

Tümüde kurungasolu lushih 10nü pungdüchi 8 lang akhiukbah tüsho müjih tramduhkhühnü keluhkhüh lang akhiukbah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 55:13

Ayang müthri saipress sang asürübah; khingphu müthri martel sang asürübah; tüsho ha Atungpuh kilim mümihkhi khülang labah, tümüde akheam mülakhi amütsan khülang müdükheakshih.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

ISAIA 7:23

Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

JEREMIA 33:4

Tümüde Atungpuh , Israel Thrünpuhnü ha kiuto yambo tüsho Juda kiulongthsürü yambo ayanpü thsükhi tüsho nukshang leanglode thokheamkhi dünkheak ha thachoh:

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 52:27

Tüsho Babilon kiulongthsüpuhnü Hamath lomi Ribla ching arübo kingsahabah. Jumonü Judarü ju nihbuh lomi chingnü ramtso ching yükheah.

HOSEA 10:8

Israel neak Aven achang dangpungbo thsümünimbah. Ayang tüsho khingphubo arü kingaün sadambo kheak mukhuhbah. Arünü müzüngbo ki, Isa lüpdoang, tüsho awungbo ki, Isa kheak keamkihang, de athabah.

HOSEA 2:3

Jude yungsho inü anihbe pang khukjihbah tüsho anihbe zübe nimung nangde bünkeang kamshihbah; tüsho anihbe sunglo tüsho akunglo nangde kamshihbah tüsho kethürinü asheshihbah.

HOSEA 9:6

Arünü athsümünim chingnü tsokhikhi she, Ijipnü arü bemukhungbah; Memphisnü arü kiuyuka bahbah. Khingphunü arü shotoyinchi kukrukbo mükühbah; ayangbo arü khimyambo ching labah.