ISAIA 32:11 - AMÜSÜH HÜM CL Bible (BSI)

¹¹ Niukang, nüsa keamramde lakhi liberübo, ajanang, nüsa reangkeamde larübo; nüsa khimmih yihkhitang, tüsho nüsa chim kheak shungliukhim yihang.

ISAIA 32:11 Iomraidhean Croise

MUNGSHIKHÜN 123:4

Zuzu thsüde alakhi akükheangrünü isa luhmünekhinü isa me mithülamdo.

ABEKHIT 33:4

Küyimki mihtsürübonü ha lümthsünü yubo sokhea, arünü atüzhopü tankih tüsho shenü she zülu müyih.

ISAIA 15:3

kiudunglimrobo ching arünü shungliukhim phuyuchoh; thüyam kumungbo tüsho wungdobo kheak mihbüm abannü chike bukde tüzhochoh tüsho düsüknimchoh.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 20:4

Asiria kiulongthsüpuhnü Ijiprü aramrü thsüde tüsho Ethiopiarü ramtsorü thsüde bede atsobah, ane chido athunu tüsho shinbeshinbuh, bünkeang tüsho jing keangkeang, kiung aleangkheaknü, Ijip kheak achih hande arübah.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 3:24

Arhümkebe müthri arhümmükebe; tüsho pangrümbe müthri shungliu; tüsho kuyü-jangpü müthri kurakrak; tüsho suhdahkhi shulünkhim müthri shungliukhim rümkhi; akheahakham müthri achih labah.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

ISAIA 47:8

Kheakü jumonü ha aniang, nüsa shih muzhorübo, shepü keamramde la, shepünü mulong ching thacho, “ I ah, tüsho I hobah she müla; I khimoberü kama mübin yungsho tsührü dükheakkhi mümükheah.”

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

JEREMIA 49:3

Mulong rozhakang, O Heshbon, tümüde Ai thsümünima yaplah! Zhiang, O Rabba tsührübebo! Shungliukhim rümkihang, tüzhoang tüsho yingyingde api yo amükeamrübo tüsho atorübo rukhühnü alihang, tümüde Molek ramtso ching yüpü lah.

JEREMIA 6:26

O amuzhobe I mihtsürü, shungliukhim phuyuang, tüsho awah ching kolahang; tsührü khülang thsungkheak nangde khide khühde tüzhoang: tümüde athsümünimrü zukleangnü isa kheak arübah.

HOSEA 2:3

Jude yungsho inü anihbe pang khukjihbah tüsho anihbe zübe nimung nangde bünkeang kamshihbah; tüsho anihbe sunglo tüsho akunglo nangde kamshihbah tüsho kethürinü asheshihbah.

JOEL 1:8

Anünürü khülangnü arhangpü thsüchoki nihbe müyambuh shekhi shungliukhim phuyubah tüzhokhi nangde tüzhoang.

AMOS 4:12

Jumonü inü ha nü ki rhimobah, O Israel; tümütüsho inü nü ki ha rhimobah, nü Thrünpuh shorupü thsakhamang, O Israel!

ZEPHANIA 2:15

Ha lülüshishi tüsho tsüde lah dükhi kiuto, anihbenü tha, “ I lah tüsho sheshe müla!” Anihbe küdükhüh athsümünimkhi kamde, mütüm shiwüh yam lah! Anihbe tsahhorü abannü ish thsüchoh tüsho khahduthrung hitchoh.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

JAKOB 5:5

Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.