ISAIA 31:8 - AMÜSÜH HÜM CL Bible (BSI)

⁸ Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

ISAIA 31:8 Iomraidhean Croise

THRÜNTAN 49:15

Tüshe apinü sühakhim dangpung ju tsüde tüsho alo ju asühpü thsüde ngü. Jumonü apinü hah hanpü adüthsün mükhümchoh tüsho azhorü nangde reangkih-a rhimochoh. @SPACE=

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 10:25

Tümüde anükhüh kheaknü nüsa azhihde I mulong zhipzhipkhi arün thsübah tüsho arü thsümünimpü I bukakhiukbah.

ISAIA 14:2

Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 21:15

Tümüde arübo nukshang chingnü, nukshang dukkhitkhi chingnü, sanglüh hünkihkhi chingnü, tüsho atrebe keochih chingnü tsokhichoh.

ISAIA 27:7

Anihbe shikrü apinü ashikkhi nangde apinü anihbe shikdo de? Yungsho anihbe laksahrü laksahkhi nangde anihbe laksahdo de?

ISAIA 29:5

Tüshe nü riri boto ju asungthulung shimshim nangde alabah, tüsho bukmüke yakzanshuhrü boto ju hitsüt phinkhi nangde alabah. Tüsho amülümkhi, zukleangnü,

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 37:7

Inü api kheak me yukjihbah, junangde apinü kiubuyu khülang sobah, tüsho anihbuh lomi lim rholobah; inü anihbuh khah ching yo nukshangnü api lungshihbah.”

ISAIA 66:16

Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

JEREMIA 46:10

ju nimung ju Wuto Atungpuh T H RÜ NPU H royimkhi nimung, api riribo kheak royimkhi nimung. Reangmükeamyi khiungde nukshangnü amuyubah, kethürimüri khiungde thiyih yungbah. Tümüde Wuto Atungpuh Thrünpuhnü dukulim lomi ching Euphra ayung ki shuhmülanga jihpü shuhlah.

EZEKIEL 21:28

Tüsho nü, mihtsürü tsührü, müchitang tüsho thaang, Amonrü tüsho arü mükhemükimrü dünkheak, Wuto Atungpuhnü ha thachoh: Nukshang khülang, nukshang khülang, alaksahpü dukkhitdo, amuyupü phekhita tüsho chinchobe nangde phürappü lah!

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”