ISAIA 31:5 - AMÜSÜH HÜM CL Bible (BSI)

⁵ Wuhnubonü akumung phinkhi nangde, Wuto Atungpuhnü Jirusalem kümdobah; apinü kümdobah tüsho bekhitbah, apinü phunghobah tüsho kümkhitbah.

ISAIA 31:5 Iomraidhean Croise

THRÜNTAN 1:2

Alomi ju tümü mükamkhitdü lang akeangkeang lakheah; tüsho amiting ju kekim mi kheak lakheah. Tüsho Thrünpuh me kebo kumung aphapde alakheah.

2 KIULONG THSÜRÜ 19:34

Tümüde ha kiuto khümkhitpü I tüsho inü I yamlarü David mung chingnü inü akhanglobah.”

2 KIUTHSÜYUKHEAN 32:22

Jumonü Atungpuhnü Hezekia tüsho Jirusalem ching larübo Asiria kiulongthsüpuh Sennakerib tüsho api riri alala khah chingnü khümkhit; apinü thrip abande arü ki mungtsü jih.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 46:5

Ju kiuto ching Thrünpuh lah, tüsho ju küyimkishe müthsümünim; yapsu mükikde ju rungpü api arübah.

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 91:4

Apinü nü api moghidungbonü alüpdobah, tüsho api ghidükeangbo khüp nü tsoyukbah; api yo thiyuro ju nü tsung tüsho tsungnini thsübah.

ABEKHIT 12:27

Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 19:4

Inü Ijiprü kheak rhimokhi, tüsho müleang ghidükeangbo kheak nüsa I kilim hanbah arükhi nüsanü ngüdo.

ISAIA 10:14

I khahnü mihtsürübo lakhit wuhnu sap nangde ngükhitdo; tüsho khürünü abahyukkhi wuhnuke momukhungkhi nangde, inü alomi alala momukhung; tüsho shenü she aghi maphap, yungsho mün müka, yungsho mukhung.”

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 27:3

I Atungpuhnü ha neakchoh; kim abande inü ke duhchoh. Inü azhing ayin aheangchoh, junangde shenü müthsümünim;

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 37:35

Tümüde I tüsho I yamlarü David mung chingnü ha kiuto khümkhitpü inü atsunglobah.”

ISAIA 38:6

Nü tüsho ha kiuto Asiria kiulongthsüpuh khah chingnü bekhitbah tüsho ha kiuto tsunglojihbah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

YUZÜNGTHALO 32:11

Müleangtopünü asap chuphüneande, ajipjip kumung phürüpkhi nangde, aghi chutreakbah arü kaplode aghidükeang kheaknü ashuhkhi nangde,