ISAIA 31:4 - AMÜSÜH HÜM CL Bible (BSI)

⁴ Tümüde Atungpuhnü I ki ha thado, Kekhüzü yungsho kekhüzü nununü shih kheak arungkhi nangde, tüsho–mihnu neakrü botonü ayankhipü zhibanü–arü zhikhinü mümüyinsah yungsho arü alankhinü mutuklo, junangde Wuto Atungpuh Zion Müzüng tüsho awungbo kheak thirithsüpü akibah.

ISAIA 31:4 Iomraidhean Croise

2 KIUTHSÜYUKHEAN 20:15

Apinü tha, “Aniang, Juda le Jirusalem ching larü alala, tüsho kiulongthsüpuh Jehoshaphat: Atungpuhnü nüsa ki ha thachoh: ‘ Ha bonungrü boto kheak dütre yungsho mulong dünini; tümüde keochihpü ju nüsa yo yung tüshe Thrünpuh yo.

ABEKHIT 14:14

Atungpuhnü nüsa thsungkheak keochihbah, tüsho nüsa zhikde laang.”

ABEKHIT 14:25

Tüsho apinü arü khora-lolungbe jingbo wukhiukshih, junangde arünü abepü küpkhukde kam; tüsho Ijiprünü tha, “Israel mikinü isa tsoanü, tümüde Atungpuhnü Ijiprü azhihde arü thsungkheak keochihjihchoh.”

ISAIA 10:16

Jumonü Wuto Atungpuhnü athrih tukthsü adüküng thirithsürübo kilim yüshihbah, tüsho api müretahkhi bukkhüp mo takkhi nangde atakpü takkihbah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 30:32

Tüsho Atungpuhnü arü kheak shitsonü ashik abande züpzüppü tüsho bingkhungbo düsheak labah; api bin hitde arü kheak keochihbah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

AMIKHEAKAKHIUKKHI 10:3

tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung.

AMIKHEAKAKHIUKKHI 5:5

Judüki azothsürü khülangnü I ki tha, “Dütrip; kheahang, Juda trük kekhüzü, David Sangyingnü kukdo, junangde apinü ayümdokhi thüne küpqiu khimshuhpü kuklah.”