ISAIA 31:3 - AMÜSÜH HÜM CL Bible (BSI)

³ Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

ISAIA 31:3 Iomraidhean Croise

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

MUNGSHIKHÜN 118:8

Mihtsürü kheak mulongram lapü dün a Atungpuh kheak kinkhi atsübe ah.

MUNGSHIKHÜN 33:17

Thirithsü khora ju akuk ngüpü mulonglam akeangkeang, tüsho ha sühmüh atonü mükhümkhitkhuk.

MUNGSHIKHÜN 9:20

Arübo treshang, O Atungpuh ! Trükshihbonü arü ju mihtsürü ah de mükheahshang!

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 20:4

Asiria kiulongthsüpuhnü Ijiprü aramrü thsüde tüsho Ethiopiarü ramtsorü thsüde bede atsobah, ane chido athunu tüsho shinbeshinbuh, bünkeang tüsho jing keangkeang, kiung aleangkheaknü, Ijip kheak achih hande arübah.

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 30:16

tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

ISAIA 30:5

arü alü müthsüjihrü mihtsürü hode mihbüm aban achih ngüchoh, arung yungsho alü mühandarü tüshe achih tüsho mungchih lah.

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

ISAIA 36:9

Dale küde thsah nünü I putungrü yamlarü bolung aninibe wühkenobuh yanlokhukpü, tüsho khora-lolungbe le khoraberü thsungkheak Ijip kheak düthsün angüba?

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:9

Judü lang, “ I a thrünpuh khülang ah,” de nü laksahrü miki thaba de? Nü a le nü yurirübo khah ching mihtsürü ah tüsho thrünpuh yung.

AMOS 2:15

sherü sanglüh shuhchonü müzhip, tüsho sherü jing athrilanü mükhümkhit, yungsho khoraberünü arü rhangdung mükhümkhit;

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”