ISAIA 31:2 - AMÜSÜH HÜM CL Bible (BSI)

² Tütüshe api she lümlung lah tüsho thsümütsü handarüchoh; apinü anihbuh yubo matrütchoh, tüshe amütsü rhimorü yamkhün azhihde wusubah tüsho amülim rhimorü rungrü azhihbah.

ISAIA 31:2 Iomraidhean Croise

JOB HU H T ANYU 12:13

Thrünpuh kheak lümlung tüsho sühmüh lah; api kheak lümthiyan tüsho anikhitkhi lah.

JOB HU H T ANYU 12:16

Api kheak sühmüh tüsho lümlung lah; mülapyuka larü tüsho mülapyukjihrü chido api yo ah.

JOB HU H T ANYU 5:13

Apinü lümlung larü arü rük mütsü ching phuhshihchoh; tüsho rük mütsürü lümkhibo nahde kheamshihchoh.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 14:20

Nü mi bahpü arü lung mübe, tümütüsho nünü nü lomi thsümünimdo, nünü nü mihtsürübo laksahdo. Amütsü-rhimorü tsühsoniusobo küyimkishe mung düjishih!

ISAIA 21:17

tüsho Kedar thirithsürü sanglühbo aningkhi nükde alabah; tümüde Atungpuh , Israel Thrünpuhnü asukdo.

ISAIA 22:14

Wuto Atungpuhnü I nükhün ching huhdo: Tsükjide nüsa müsheyi khiungde ha amülim neak mübahjih, Wuto Atungpuh Thrünpuhnü thachoh.

ISAIA 28:21

Tümüde Atungpuhnü Perazim wung kheak nangde asürübah, apinü Gibeon jindükhün ching nangde bukakhiukbah–junangde müdünjia kheahkhi amüyinsahbe api rhimo rhimobah.

ISAIA 28:29

Ha she Wuto Atungpuh kilimnü arüchoh; api ju lümthiyanpü ching amüyinsahbe, tüsho lümlung ching hodaklah.

ISAIA 30:3

jumonü Pharao nü akümkhi nüsa achih ngükhi kambah, tüsho Ijip alamme ching kuramkhi nüsa junokhi kamshihbah.

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

ISAIA 32:6

Tümüde makharünü mudukmüke yu asukchoh, tüsho arü lümkhi ju amütsünü makeangde lah: Thrünpuh mümükheahkhi rhimopü, Atungpuh dünkheak lakshi thapü, akhümrü bukmüthsüde zojihpü tüsho kethürirü yungpü tukloshihpü lah.

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

JEREMIA 10:12

Api wu-sühmüh hode alomi thrünkhi ju api ah, shepünü api lümlung hode alomi thrünkhit, tüsho api anikhitkhi hode thüningbo thoshang.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 36:32

Judüki Jeremianü küpqiu püpü lu tüsho Neria tsührü Baruk kilim jihbah, Juda kiulongthsüpuh Jehoiakimnü mo ching takabahkhi Jeremianü thaa thrütshihkhi küpqiu yubo alala thrütkih; tüsho akiphahkhi yubo ahihdo yukajak.

EZEKIEL 29:6

Judüki Ijip ching larü alalanü I Atungpuh de mükheahbah tümütüsho nü a Israel yamkhün ki anüh tso khülang lakheah;

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

WÜHKHE 10:35

Tüsho tangzüng sangdan shuhakhinchoki Mosanü tha, “O Atungpuh , asürang tüsho nü riribo hiumüzütshang, tüsho nü mükheahnerü nü müngüh tsoshang.”

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

ROMRÜ KILIM PAULNÜ ATHRÜTKHI KIHÜM HUHTANYU 16:27

Alala lümlung labuh, Thrünpuh kilim lang, Jisu Khrista hode lün thsungkheak müretahshang! Amen.

JIHUSUA 23:15

Tüshe Atungpuh nüsa Thrünpuhnü atsü lümjihbah nüsa kheak dünjikhi nangde Atungpuh nüsa Thrünpuhnü ajihkhi lo atsü chingnü nüsa müdükheakkhamyi khiungde Atungpuhnü nüsa alala kheak athsümünimbe handarübah.

JUDNÜ ATHRÜTKHI KIHÜM HUHTANYU 1:25

Thrünpuh, isa Atungpuh Jisu Khrista hode isa khümkhitbuh kilim müretah, wüntre-müretah, yakzan shuhkhi, tüsho wu, kim alala müngüh, kheakü tüsho lünnü laang. Amen.

1 SAMUEL 2:3

Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.