ISAIA 31:1 - AMÜSÜH HÜM CL Bible (BSI)

¹ Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 31:1 Iomraidhean Croise

THRÜNTAN 47:17

Jumonü arünü arü shiwühbo Josep kilim hande arü, tüsho Josepnü arü kilim khorabo, mihnubo, moshibo tüsho donkibo müthri tsühyungbe jih. Hanangde apinü arü shiwühbo müthri ju kam arübo tsühyungbe ahiuh-a jih.

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

JOB HU H T ANYU 39:11

Api sühmüh tomonü nünü ju kheak düthsün angüba de, tüsho nü rhimo api ki zojihba de?

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

ISAIA 10:17

Israel ayin ju mo khülang kambah, tüsho api Amüsüh Khülang motru kambah; ju atakbah tüsho api yangbo le khingphubo nimung khülangnü aniuabahbah.

ISAIA 2:7

Arü lomi shotoyinchi tüsho sunanü milah, tüsho arü rahpungbo akheamarün müla; arü lomi khorabonü milah, tüsho arü khora-lolungbebo akheamarün müla.

ISAIA 20:5

Tüsho arünü arü mulonglamkhi Ethiopia tüsho arü kükheangkhi Ijip dünkheaknü trede achih ngübah.

ISAIA 22:11

Nünü chipi mahne dükeak awün kekhip ke zopung kekung khülang thsü. Tüshe shepünü ju rhimokheanü nünü api kilim mükheah, yungsho adüso shepünü ha lümkhi thsükheanü api kheak akinashu müjih.

ISAIA 30:16

tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

ISAIA 36:9

Dale küde thsah nünü I putungrü yamlarü bolung aninibe wühkenobuh yanlokhukpü, tüsho khora-lolungbe le khoraberü thsungkheak Ijip kheak düthsün angüba?

ISAIA 43:15

I Atungpuh nü yo Amüsüh Thrünpuh, Israel Thrünrü, nü kiulongthsüpuh.

ISAIA 5:12

Shepü aniojikhi ching bingkhung tüsho bingshang, züpzüppü tüsho khungpi tüsho yukhu ahoricho, tüshe shepünü Atungpuh rhimobo akin müla yungsho api khah rhimo müngü!

ISAIA 57:9

Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih.

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 37:7

Atungpuh , Israel Thrünpuhnü ha thachoh: I ki keokhishihpü nü kilim thiyibuh Juda kiulongthsüpuh ki thaang, Nü rungpü Pharao bonungrü tsahmusukhi ju arü lomi Ijip lim alode ayübah.

JEREMIA 42:14

thachoh, “Muh, isa Ijip lomi ching yübah, küching isanü thirithsü müngüpü la, yungsho hulipungpung düsheak muso yungsho yikhap mülakhinü khümsahde müla, tüsho ju ching isa labah,”

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?

EZEKIEL 29:16

Ijiprü ju küyimkishe Israel yamkhün angükihpung müthsülo; küyimki arünü arung thsungkheak arü kilim rholobanü, ju amülim ah de alümkhitlobah. Judüki Israelnü I Atungpuh T H RÜ NPU H de mükheahbah.

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

HOSEA 11:5

Arübo Ijip lomi lim alode ayübah, tüsho Asiria ju arü kiulongthsürü thsübah, tümütüsho arünü I ki arülopü thsunglo.

HOSEA 11:9

Inü I bukakhiukkhi mürhimo; inü Ephraim müthsümünimlo; tümüde I a Thrünpuh ah tüsho mihtsürü yung, nüsa bolung Amüsüh Khülang lah tüsho inü I bukakhiukde marü.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 7:7

Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

YUZÜNGTHALO 17:16

tüshe kiulongthsüpuhnü anihbuh bonungrü thsungkheak khora hihde mubushihbeah, tüsho apinü mihtsürübo khora thulopü Ijip ching müyüshihbeah, tümütüsho api mihtsürü küyimkishe ju ching alode müyüshihpü Atungpuhnü thado.

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.