ISAIA 30:9 - AMÜSÜH HÜM CL Bible (BSI)

⁹ Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 30:9 Iomraidhean Croise

2 KIUTHSÜYUKHEAN 33:10

Atungpuhnü Manase tüsho api mihtsürübo ki asuk, tüshe arünü mani.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 48:4

Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 63:8

Tümüde apinü tha, “Tsükjide arübo I mihtsürü, amülim müthsüpü tsührübo”; tüsho api arü khümkhitrü kam.

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

JEREMIA 35:14

Rekab tsührü Jonadabnü api tsühsoniuso kilim yukhu muyungpü thiyukhüm jihkhi anido; tüsho arünü khihni khiungde muyung, tümüde arünü arü jipürü yukhüm anido. Tüshe inü nüsa ki alochode asuk, tüshe nüsanü I yu mani.

JEREMIA 7:13

Tüsho kheakü, nüsanü harü alala rhimokhinü, Atungpuhnü thachoh, tüsho küyimki inü nüsa ki alochode asukkhea, nüsanü mani, tüsho küyimki inü nüsa jikhea, nüsanü malo,

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

EZEKIEL 24:3

Tüsho azhih yamkhün ki mihmüchit thakhitang tüsho arü ki thaang, Atungpuh Thrünpuhnü ha thachoh: Phüh dükihang, dükihang, ju ching ke she yukang;

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

YUZÜNGTHALO 32:20

Tüsho apinü tha, Inü I miro arü kheaknü ramabahbah, arü kheak tümü dünjibanü inü akheahbah, tümüde arübo yihkhro tüsho müthülünkhi tsührübo lün lah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.