ISAIA 30:3 - AMÜSÜH HÜM CL Bible (BSI)

³ jumonü Pharao nü akümkhi nüsa achih ngükhi kambah, tüsho Ijip alamme ching kuramkhi nüsa junokhi kamshihbah.

ISAIA 30:3 Iomraidhean Croise

2 KIULONG THSÜRÜ 18:21

Kheahang, kheakü nü Ijip kheak düthsün angüchoh, ju rhim tso zhakkhi kheak, shepünü angükihchonü khah düchipashungbah. Api kheak düthsün angürü alala ki Ijip kiulongthsüpuh Pharao ha ruk ah.

MUNGSHIKHÜN 108:12

Küpkhuk chingnü isa arung jihang, tümüde mihtsürü ju akeangkeang.

MÜCHITMUDU 25:19

Küpkhuk kim ching thiyuro mülakhi mihtsürü kheak düthsün angükhi ju hü amütsü tüsho jing nüpkhi ruk ah.

ISAIA 20:5

Tüsho arünü arü mulonglamkhi Ethiopia tüsho arü kükheangkhi Ijip dünkheaknü trede achih ngübah.

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

JEREMIA 2:36

Küdüküdü she shande, nü limro müthrichoh! Asirianü achih ngüshihkhi nangde Ijipnü nü achih ngüshihbah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 42:22

Tsüde mükheahang, junangde nüsanü küching yünela tüsho alapü künlanü ju dangpung ching nukshang, khümzung, tüsho arüm-tukthsünü nüsa shebah.

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

EZEKIEL 29:7

küyimki arü khahnü nü thrüa lukhea, nü yihrüp, tüsho arü dubuhbo tsütrüp; tüsho küyimki arünü nü kheak angükhea, nü yihrüp, tüsho arü jingbo alala nimnimshih.

HOSEA 10:6

Kukruk ju Asiria lim ato kiulongthsüpuh ki ruk nangde hande ayübah. Ephraim achih ngübah, tüsho Israelnü anihbuh sangthsü dünkheak achihbah.

ROMRÜ KILIM PAULNÜ ATHRÜTKHI KIHÜM HUHTANYU 10:11

Amüsühyunü thachoh, “Api kheak kinrü sheshe achih müngüshih.”

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.