ISAIA 30:28 - AMÜSÜH HÜM CL Bible (BSI)

²⁸ api sheak thsükhi ju ketokhi ayung nangde hung khiunglah–athsümünimbe yikeangnü trükshihbo ayipü, tüsho mihtsürü münjak ching arü bephülappü münrhükbe lah.

ISAIA 30:28 Iomraidhean Croise

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

2 KIULONG THSÜRÜ 19:28

Tümütüsho nü bukakhiukde I azhih tüsho nü mulong zhipzhipkhi I nükhün ching arüdo, inü I yo khoyang nü nupung ching yukjihbah tüsho I yo yinchikheam nü mün ching yukjihbah; inü nü arükhi limro lim rholoshihbah.

JOB HU H T ANYU 39:17

tümütüsho Thrünpuh nü mihzümihdo lümlung thrünjih, tüsho anikhitkhi ching shihcham müjih.

MUNGSHIKHÜN 18:15

O Atungpuh , nünü athürühchoki, nü nupung chingnü sheak mütchoki keto rubo ngüde kam, tüsho alomiküp khimtan aleangkheak lakheah.

MUNGSHIKHÜN 32:9

Mihyuanishihpü münmükhip tüsho shihküp-liunü adanyukkhi anikhitkhi mülakhi khora yungsho khoranunu nangde düla.

MÜCHITMUDU 26:3

Khora thsungkheak arhapbe khülang, donki thsungkheak amünrhükbe khülang, tüsho makharü düthsün thsungkheak tso khülang.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 17:14

Arelim kim ching kheahang, atrebe! Yapsu mükikde arübo müla. Ha isa thsümünimrü kuhi lah, tüsho isa yanrü shihcham lah.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 28:2

Kheahang, Atungpuh lung Wuto tüsho sühmüh lakhi khülang lah, tsüngpungtsüngpung aru nangde, athsümünimbe chinthrüm nangde, amüküp tsüngpungtsüngpung nangde, zhikhiukde abukkhi kebo; api khahnü arübo alo kheak jipkhia bahbah.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 37:29

Tümütüsho nünü I azhihde bukakhiuk tüsho nü mulong zhipzhipkhi I nükhün ching arü, inü yinchi-khoyang nü nupung ching yukjihbah tüsho yinchikaplak nü mün ching yukjihbah, inü nü arükhi limro ching rholoshihbah.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

ISAIA 63:17

Tümüde, O Atungpuh , nünü isa nü limro chingnü tsoshihcho tüsho isanü nü mütrepü thsüde isa mulong müküpshihcho? Nü yamlarübo mung chingnü, nü yamrüplurüp trükbo mung chingnü rholoang.

ISAIA 8:8

keking nangde Juda ching zünde ayüzahbah, tüsho abukkhitbah, junü ahung khiungbah; tüsho aghi chutreakkhinü nüsa lomi apunglim mibah, O Immanuel.

HOSEA 13:3

Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

LUKNÜ ATHRÜTKHI THIYUSHEAK-ATSÜ HUHTANYU 22:31

Tüsho Atungpuhnü tha, “Simon, Simon! Arimrinü wheat nangde nü ayipü keokhikheah.

2 TESALONIKA 2:11

Jumonü tümü arükchih lanü arünü akinshihpü Thrünpuhnü arü kheak amülim wu yüshih,

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 2:16

Jumonü mulong müthriang. Jude yungsho, I nü kilim arübah tüsho I mün chingnü akhiukkhi nukshangnü arü azhihde thirithsübah.