ISAIA 30:26 - AMÜSÜH HÜM CL Bible (BSI)

²⁶ Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 30:26 Iomraidhean Croise

JOB HU H T ANYU 5:18

Tümüde apinü yurijihchoh, tüshe apinü rümjihchoh; apinü shikchoh, tüshe api khahnü thsünguchoh.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 19:22

Atungpuhnü Ijip shikbah tüsho athsüngubah; arünü Atungpuh kilim rholobah tüsho apinü arünü mushukhibo anibah tüsho arü thsüngujihbah.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 30:13

jumonü ha amülim nüsa thsungkheak rhü achang kheak atrükhi nangde mükitkhita, tüsho zukleangnü akeampü thsüde arübah;

ISAIA 30:14

ha trükhi ju phühdamrü phüh nangde mütsüdakde kingrüpbah, junangde atrüthünakkhi bolung amünkheam ju mokin chingnü mo rhukhitpü yungsho kekhip chingnü ke khipkhitpü thsüde müngü.

ISAIA 33:24

Tüsho lomi ching larü shenü, “ I tukthsülah” de mütha; ju ching larü mihtsürübo arü mülimkhi neak bahjihbah.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

ZEKARIA 14:7

Tüsho ju ching mutukzhakde animung labah (Atungpuhnü ha mükheahlah), animung tüsho are müla, tümüde azhing kim ching ayin labah.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.