ISAIA 30:25 - AMÜSÜH HÜM CL Bible (BSI)

²⁵ Tode alaksahkhi, aheangsadam lungkhi nimung ching awung mujuk tüsho awung achang kheak ke bukkhi ayungbo labah.

ISAIA 30:25 Iomraidhean Croise

ISAIA 32:14

Tümüde kiulongthsürüyambo mihabahbah, sünthülanga lakhi kiuto bahkhitbah, awung tüsho aheangpungbo lünnü shiwüh lapung, mütüm donki asühachihpung, mihnu boto yimtsühpung kambah;

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

EZEKIEL 17:22

Wuto Atungpuhnü ha thachoh: Inü cedar kurungkheaknü adübit lubah tüsho akhimbah; inü aliuhliuh khah athunu dübit chingnü ayihshakbah tüsho müzüng achangbe kheak khimbah.

EZEKIEL 34:13

Inü arübo mihtsürübo kheaknü bekhitbah tüsho lomibo chingnü kitmukhungbah, tüsho arü nihbuh lomi ching bedarübah; tüsho inü arübo Israel müzüngbo kheak, keyungbo yean, tüsho mihtsürü lakhi lomi alala ching yimkipbah.

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

EZEKIEL 47:1

Jushu apinü I arüngyam ripit ki belodarü; arüngyam ching düküyukpung khüpnü ke bukde aniakhiuklim yüde alakheah (tümüde arüngyam ju aniakhiuklim abin); ke ju kingaün sadam düjinglim, arüngyam düjinglim thrip khüpnü bukde aki.

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

NAHUM 3:12

Nü chipibo alala akhuh asokihkhi kurungasodung nangde–aniungsho atsührü mün ching keamchoh.

WÜHKHE 24:7

Arü tsüng suhdahde arübah, tüsho arü müjih kepheang lubo ching yangbah.

JOHAN 7:38

Shepünü I kheak kinbanü amüsühyunü athakhi nangde api mulong chingnü rhangdung ke ayungbo bukbah.”

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde