ISAIA 30:23 - AMÜSÜH HÜM CL Bible (BSI)

²³ Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 30:23 Iomraidhean Croise

THRÜNTAN 41:18

Zukleangnü akheah atsü tüsho ashih-kihkhi moshi thüne akhiuk, tüsho arübo sangrung tsühpü thsüde alakheah.

THRÜNTAN 41:26

Moshi atsü thüne ju kam thüne, tüsho aye atsü thüne ju kam thüne ah; milimbo khülang lang ah.

THRÜNTAN 41:47

Suhdahkhi kam thüne dükeak ching alonü muzhomopungde akhiukshih.

MUNGSHIKHÜN 36:8

Arünü muzhomopungde nü yam ching aniojibah; nünü nü asühkhi ayung chingnü arü kilim ayungpü jihchoh.

MUNGSHIKHÜN 67:7

Thrünpuhnü isa müngühjihbah, tüsho alomi akheambo alalanü api trebah.

ISAIA 10:27

Ju nimung arü hahmülang nü dubuh kheaknü ashuhkhibah tüsho nü shih kihkhinü arü sangkaplak nü hung kheaknü athsümünimbah.

ISAIA 32:20

nüsa sherü ayung yean mükheanbanü tüsho moshipung le donki thsungkheak rimlopung labanü asühpü.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

ISAIA 65:21

Arünü thüyambo thsübah tüsho ju ching labah; arünü kurungasolubo thsübah tüsho asobo tsühbah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

HOSEA 4:16

Israelrü ju khoranunu nangde yihkhro ah; küde thsah Atungpuhnü rimlopung amülih ching arü yimkippü?

LEVI 25:19

Alonü hi mukhuhshihbah, tüsho nüsa bukthsüde tsühde tsokhitde alabah.

LEVI 26:3

Nüsanü I yakzan thsükhibo yansho tüsho I yuzüngbo thiyuronü leangkhisho,

LEVI 26:5

Nüsa lu ju khide pung-alungde kurungaso rho khiungde yimlubah, tüsho mükhean kim khiungde kurungaso rhobah; nüsanü atsühnekhi suhdahde angübah tüsho nüsa lo ching nüsa tsokhita labah.

ZEKARIA 10:1

Atungpuh , chinthrüm mo thsübuh ki mükheankim tsüng akheahmünchi ching kheangang. Apinü mihtsürü kilim tsüng arüshihchoh, tüsho mihbüm aban kilim thulu sangrungbo jihchoh.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

YUZÜNGTHALO 11:14

nüsa lo thsungkheaknü inü akheahmünchi ching, akhuhbe tüsho ashube tsüng arüshihbah, junangde nüsanü hi, yukhu tüsho oliv müdangke hanmukhungbah.

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.