ISAIA 30:22 - AMÜSÜH HÜM CL Bible (BSI)

²² Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 30:22 Iomraidhean Croise

2 KIUTHSÜYUKHEAN 31:1

Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

ISAIA 31:7

Tümüde ju nimung nüsa khahnü neak yihbeakde athsükhi shotoyinchi tüsho suna sangthsübo nüsa alalanü jiba bahbah.

ISAIA 40:19

Sangthsü khülang ju athsüsorünü zünchoh, tüsho sunakingrünü ju kheak suna yihkihchoh, tüsho shotoyinchinü wuhrünliu thsakhamchoh.

ISAIA 46:6

Sherünü qiuqiununu chingnü suna yihkhita jihcho, tüsho wuhzhin kheaknü shotoyinchi adüncho– arünü thrünpuh thsürü sunakingrü mulochoh; jushu arünü khukningchoh tüsho kingaünchoh!

TÜZHOKHI 1:17

Zionnü akhahbo chungkhitchoh, tüshe anihbe shukheamrü she müla; Atungpuhnü Jakob azhihde thiyukhüm jihdo, junangde api yamhingrübo anihbuh riri kambah; arü bolung Jirusalem a amüneankhi kamdo.

EZEKIEL 14:6

Jumonü Israel yamkhün ki thaang, Wuto Atungpuhnü ha thachoh: Mulong müthriang! Nüsa sangthsübo chingnü rholoang tüsho nüsa athraneanbe rhimobo alala tukloang!

EZEKIEL 18:6

apinü müzüng arüngakopungbo ching müyimtsüh yungsho Israel yamkhün sangthsübo mükheahsho, apinü anihbuh yamhingrü niuberü mümünean yungsho aliberü khinu shihcham yüchoki anihbe kheak munungsho,

EZEKIEL 36:31

Judüki nü amütsü limrobo tüsho amütsü rhimobo nünü alümkhitbah; tüsho nünü nü amülimbo tüsho athranean rhimobo dünkheak thraneanbah.

EZEKIEL 7:19

Arünü arü shotoyinchi kiudunglimrobo ching bahbah, tüsho arü suna mümüsühkhi kukruk labah. Arü shotoyinchi tüsho sunanü Atungpuh mulong zhipzhip nimung ching arü mükhümkhit. Junü arü khümkhi reangmükeamshih yungsho bukmüthsüshih, tümüde hanü arü neak ching jing mükheshihdo.

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

HOSEA 14:8

O Ephraim, inü nü sangthsübo kheak tümü thsüba? Nü ki alorü tüsho nü kümrü ju I ah. I a lünnü aphüyak sang nangde lah; nü thülünde alapü I kilimnü arüchoh.”

LEVI 13:52

Akeakkhi yungsho amürhekhi shihnam yungsho azhingzhing khim yungsho shihküpnü athsükhi kheak tukthsü kihsho takabahbah, tümüde ha abube mokri tukthsü ah; ha mo ching takbah.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.