ISAIA 30:2 - AMÜSÜH HÜM CL Bible (BSI)

² shepünü I ki mükeokhide Pharaonü akümkhi ching tsoyukpü, tüsho Ijip alamme ching kurampung yimde ayükipü tsahmusukhea;

ISAIA 30:2 Iomraidhean Croise

1 KIULONG THSÜRÜ 22:7

Tüshe Jehoshaphatnü tha, “Isanü akeokhipü thsüde Atungpuh wukihrü püpü ha ching müla de?”

2 KIULONG THSÜRÜ 17:4

Tüshe Asiria kiulongthsüpuhnü Hoshea kheak thiyuro mülakhi ngü; tümüde apinü Ijip kiulongthsüpuh kilim yunithsürü yüshih, tüsho apinü kam aban Asiria kiulongthsüpuh kilim jihde alakhi müjihdebah; jumonü Asiria kiulongthsüpuhnü api rambah rihyam ching zo.

2 KIULONG THSÜRÜ 18:21

Kheahang, kheakü nü Ijip kheak düthsün angüchoh, ju rhim tso zhakkhi kheak, shepünü angükihchonü khah düchipashungbah. Api kheak düthsün angürü alala ki Ijip kiulongthsüpuh Pharao ha ruk ah.

ISAIA 16:3

“ Lümthiyan jihang, thiyuro lungki mülüjang; animuro nü me azhing nangde kamshang; yankhitatsahrü jikshang, tsotsahrü dümülapyuk;

ISAIA 18:1

Ah, Ethiopia ayungbo hobahle aghi adankhi,

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

ISAIA 36:9

Dale küde thsah nünü I putungrü yamlarü bolung aninibe wühkenobuh yanlokhukpü, tüsho khora-lolungbe le khoraberü thsungkheak Ijip kheak düthsün angüba?

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 2:18

Dale Ijip ching Nile ke yungpü yükhinü nü tümü alü ngücho? Yungsho Asiria ching Euphra ke yungpü yükhinü nü tümü alü ngücho?

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 37:5

Ju dükeak ching, Pharao bonungrü Ijip chingnü akhiuk; tüsho küyimki Jirusalem yanrü Kaldearünü arü yusheak sokhea, arübo Jirusalem chingnü tsoabah.

JEREMIA 42:14

thachoh, “Muh, isa Ijip lomi ching yübah, küching isanü thirithsü müngüpü la, yungsho hulipungpung düsheak muso yungsho yikhap mülakhinü khümsahde müla, tüsho ju ching isa labah,”

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

JEREMIA 43:7

Tüsho arübo Ijip lomi ching yüzah, tümüde arünü Atungpuh yu mani. Tüsho arübo Tapanhes ching arü.

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

HOSEA 7:13

Arü are, tümüde arübo I kheaknü tsodo! Arü athsümünim kamshang, tümüde arünü I azhihdo! Inü arü khümkhitpü künkheah, tüshe arünü I azhihde akeangyu asukchoh.

HOSEA 8:10

Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.

HOSEA 8:9

Tümüde arünü mütüm donki alangzü tsahkhi nangde Asiria lim wutudo; Ephraimnü amuzhorü mulodo.

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

YUZÜNGTHALO 28:68

Tüsho Atungpuhnü nüsa ki ha ruk thakhi limro yande sangkung chingnü Ijip lim belobah ayübah, ‘Nüsanü küyimkishe müngülo.’ Tüsho ju ching nüsabo riri ki athrürü tüsho aliberü azhorü thsüde ayinbah, tüshe shenü nüsa muthulo.”

JIHUSUA 9:14

Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi.

MAHKHAPRÜ 9:15

Tüsho ayangrungnü sangdungbo ki tha, ‘Nüsanü atsütsünü I nüsa kurungkheak kiulongthsürü thsüshihbasho, arübah I khüp alamang; jude yungsho, I yang khahbo chingnü mo akhiukbah tüsho Lebanon cedarbo aniubah.’