ISAIA 30:16 - AMÜSÜH HÜM CL Bible (BSI)

¹⁶ tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

ISAIA 30:16 Iomraidhean Croise

2 KIULONG THSÜRÜ 25:5

Tüshe Kaldea bonungrünü kiulongthsüpuh müshamde yü, tüsho Jirikho dükhün chingnü api tholo; anihbuh bonungrü alalanü api bahbah hiumüzüt.

JOB HU H T ANYU 39:11

Api sühmüh tomonü nünü ju kheak düthsün angüba de, tüsho nü rhimo api ki zojihba de?

MUNGSHIKHÜN 147:10

Apinü khora sühmüh ching masühchoh; apinü mihtsürü jingbo ching masüh.

MUNGSHIKHÜN 33:17

Thirithsü khora ju akuk ngüpü mulonglam akeangkeang, tüsho ha sühmüh atonü mükhümkhitkhuk.

ISAIA 2:7

Arü lomi shotoyinchi tüsho sunanü milah, tüsho arü rahpungbo akheamarün müla; arü lomi khorabonü milah, tüsho arü khora-lolungbebo akheamarün müla.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

JEREMIA 39:4

Küyimki Juda kiulongthsüpuh tüsho bonungrü alalanü arü ngükhea, arünü azhing ching kiuto chingnü wukhiukbah kiulongthsüpuh shahwün limronü chipi mahne dükeak ripit chingnü shanyukbah tso; tüsho arübonü Araba limpeang yü.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 46:6

Athrirübo alihde mutsokhuk yungsho thirithsürünü mutsokhikhuk; dukulim Euphra ayung ki arü jing mükhedo tüsho lungdo.

JEREMIA 52:7

Judüki kiuto chipi ching rhümashung; tüsho kiuto mühide Kaldearü lalashe bonungrübonü shan tüsho kiulongthsüpuh shahwün ki chipi mahne dükeak khuhto-ripit chingnü azhing ching kiuto chingnü wukhiuk. Arünü Araba limpeang yü.

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

AMOS 9:1

Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

MIKA 1:13

Nüsa Lakish ching larübo, khorabo ju khora-lolungbe kheak chingkihang; ha Zion kilim neak atankih lakheah, tümüde nüsa kheak Israelnü alakmihkhibo ngükhit.

HABAKKUK 1:8

Arü khorabo ju sangtsung kheaknü athribe, are tsahbe rimre kheaknü alü amüshakbe; arü khorabonü khuchoh. Arü khoraberübo limshu chingnü arüchoh; arünü müleang phinkhi nangde shih tsühpü yungde akichoh.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.