ISAIA 30:14 - AMÜSÜH HÜM CL Bible (BSI)

¹⁴ ha trükhi ju phühdamrü phüh nangde mütsüdakde kingrüpbah, junangde atrüthünakkhi bolung amünkheam ju mokin chingnü mo rhukhitpü yungsho kekhip chingnü ke khipkhitpü thsüde müngü.

ISAIA 30:14 Iomraidhean Croise

JOB HU H T ANYU 27:22

Api kheak amuzho mülade yüna bahchoh; api ku koyubah ju wu chingnü tsochoh.

MUNGSHIKHÜN 2:9

Nünü arübo yinchi tsonü yurijihbah, tüsho alophüh nangde adütre kamshihbah.”

MUNGSHIKHÜN 31:12

Asherü nangde arünü I mihabahdo; I a phüh trükhi khülang nangde kamdo.

MÜCHITMUDU 6:15

Jumonü api thsümütsü nahde arübah; mütsülopü thsüde api nahde athsümünimbah.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 47:14

Kheahang, arübo sünit nangde lah, monü arübo aniuchoh; arünü motru wu chingnü arü nihbuh mükhümkhitkhuk. Ha arü thüyüpbe mokhih yung, amiki binbe mo yung!

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 48:38

Moab yam-münbo alala kheak tüsho wungdo ching tümü müla tüshe atüzhokhi lah; tümüde shenü mulunekhi phüh nangde inü Moab yihrüpdo, Atungpuhnü thachoh.

TÜZHOKHI 4:2

Zion tsührübo shoto, adünkhi atsüdak suna thülünlah– künangde arübo alo phühbo nangde khejihde, phühdamrü khahnü arhimokhi la!

EZEKIEL 24:14

I Atungpuhnü asukdo; kim arüchoh, inü rhimobah. Inü mutsomuwuh, inü maningshih, inü mülümalo. Nü limrobo tüsho nü rhimobo yande inü nü mahkhapbah, Atungpuh Thrünpuhnü thachoh.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

EZEKIEL 7:4

Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.

EZEKIEL 7:9

Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

EZEKIEL 9:10

Jumonü inü arü kheak muzhode mükheah yungsho arü maningshih, tüshe arünü arhimokhi inü arü nihbuh kubo kheak handarübah.”

LUKNÜ ATHRÜTKHI THIYUSHEAK-ATSÜ HUHTANYU 4:2

arimrinü nimung yirü rükaki. Jurü nimungbo ching apinü tümü she mütsüh, tüsho jurü kheamabahshu, api khümde alakheah.

ROMRÜ KILIM PAULNÜ ATHRÜTKHI KIHÜM HUHTANYU 11:21

Thrünpuhnü sangkhah tsütsü maningshihkhülaa, apinü nüsa aningshihbah de nüsanü lümcho de?

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

YUZÜNGTHALO 29:20

Atungpuhnü api neak mübahjih; tümüde Atungpuh bukakhiukkhi tüsho api mükthsükhi ju mihtsürü kheak alü trubah, tüsho ha hüm ching thrüta lakhi muthrumünean alala api kheak akihbah, tüsho Atungpuhnü api mung thüning khüpnü nankhita bahjihbah.

AMIKHEAKAKHIUKKHI 2:27

tüsho apinü yinchi tsonü arü yakzan shuhbah; alo phüh adütre kamde ayihthünakkhi nangde alabah–I she I Buh kilimnü wu leangkhia lah;