ISAIA 30:12 - AMÜSÜH HÜM CL Bible (BSI)

¹² Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 30:12 Iomraidhean Croise

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MÜCHITMUDU 24:2

tümüde arü mulongnü athsümünim asahchoh, tüsho arü münbonü amütsü thachoh.

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 3:15

Nüsanü zhochihrü miro shungthünakde I mihtsürü zünakkhi ha tümü amütsan a? Wuto A TU N GPU H Thrünpuhnü thachoh.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

ISAIA 8:6

Tümütüsho ha mihtsürübonü keamde abukkhi Shiloa ke thsunglo, tüsho Rezin le Remalia tsührü trekhinü niuthünak;

JEREMIA 13:25

Ha nü shihcham, inü nü kilim akhukhitkhi shihcham, Atungpuhnü thachoh, “Tümütüsho nünü I mihabah tüsho akeangkeang ching kin.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.