ISAIA 3:8 - AMÜSÜH HÜM CL Bible (BSI)

⁸ Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

ISAIA 3:8 Iomraidhean Croise

2 KIUTHSÜYUKHEAN 28:18

Tüsho Filistiarünü she Phela ching kiutobo tüsho Juda yo Negeb kheak thirithsü, tüsho Beth-shemesh, Aijalon, Gederoth, kiulongbo bede Soko, kiulongbo bede Timna, tüsho kiulongbo bede Gimzo lu; tüsho arübo ju ching laabah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

MÜCHITMUDU 26:27

Shepünü alokhün kiuchonü ju ching keamyukbah, tüsho shepünü lung phülahchonü junü api kheak lungkihlobah.

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 49:19

Tsükjide nü yo athsümünimkhi tüsho zhikrangkhündo alakhi dangpungbo, tüsho abahkhitkhi nü lomi tsükjide kheakü lapü larü thsungkheak mathsangde alabah, tüsho nü muyurübo limshude alabah.

ISAIA 57:4

She kheak nüsanü keangrücho? She kheak azhihde nüsa mün mülihde khimshuhcho tüsho nüsa mulo chungkhitcho? Nüsa alakmihrü tsührü, akeangyu tharü tsührübo yung de–

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

JEREMIA 23:36

Tüshe “Atungpuh müchityu” de arünü kheaküa dütha, tümüde müchityu ju mihbüm aban yubo lah, tüsho junangde nüsanü Wuto Atungpuh isa arhang Thrünpuh yu thamüchihchoh.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 44:3

tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

EZEKIEL 8:12

Apinü I ki tha, “Mihtsürü tsührü, Israel yamkhün azothsürübonü nihbuh sangthsü kingaünpung ching ramde tümü rhimochonü ngünah? Arünü tha, ‘Atungpuhnü isa müngü; Atungpuhnü alomi bahyukdo.’”

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

HOSEA 5:5

Israel lülüshishikhinü arü azhihkhi huhchoh; api mülimkhi ching Ephraim jing mükhechoh; arü lung Juda she jing mükhechoh.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

JUDNÜ ATHRÜTKHI KIHÜM HUHTANYU 1:15

alala kheak mahkhappü, mükinde arhimokhibo dünkheak arü alala tüsho amükinrü aneakrübonü api azhihde amütsü yubo thakhi bahyukpü!”