ISAIA 3:24 - AMÜSÜH HÜM CL Bible (BSI)

²⁴ Arhümkebe müthri arhümmükebe; tüsho pangrümbe müthri shungliu; tüsho kuyü-jangpü müthri kurakrak; tüsho suhdahkhi shulünkhim müthri shungliukhim rümkhi; akheahakham müthri achih labah.

ISAIA 3:24 Iomraidhean Croise

ESTER 2:12

Anünürübo mihbüm abande kheahtsübe mujumürabahle khinu thürükheak mahne dunglim Zerzes kiulongthsüpuh shorupü yakzan lakheah–khinu thuruk arhümthüneabe müdangke tüsho khinu thuruk arhümthüneabe püpü mungjibo mujujih.

JOB HU H T ANYU 16:15

Inü I küp kheak shungliukhim thürekih, tüsho I ku asungthulung ching yap.

MÜCHITMUDU 31:24

Alibenü athünak khimmihbo keaka yinchoh, tüsho arümkihbebo yinzüyindorü kilim jihchoh.

MÜCHITMUDU 7:17

Inü jinjinlak, aloe tüsho sinamonnü I yapkiu arhümthüneade zolah.

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

ISAIA 15:3

kiudunglimrobo ching arünü shungliukhim phuyuchoh; thüyam kumungbo tüsho wungdobo kheak mihbüm abannü chike bukde tüzhochoh tüsho düsüknimchoh.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 3:23

ayinatrüm-khimbo, azhingzhingkhim, kuhingbe, tüsho kudukiubebo.

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

ISAIA 57:9

Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih.

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

JEREMIA 49:3

Mulong rozhakang, O Heshbon, tümüde Ai thsümünima yaplah! Zhiang, O Rabba tsührübebo! Shungliukhim rümkihang, tüzhoang tüsho yingyingde api yo amükeamrübo tüsho atorübo rukhühnü alihang, tümüde Molek ramtso ching yüpü lah.

JEREMIA 6:26

O amuzhobe I mihtsürü, shungliukhim phuyuang, tüsho awah ching kolahang; tsührü khülang thsungkheak nangde khide khühde tüzhoang: tümüde athsümünimrü zukleangnü isa kheak arübah.

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

EZEKIEL 27:31

arünü nü thsungkheak arü zangrü ku hütrakrakchoh, tüsho shungliukhim phuyuchoh, tüsho arü me khühkhi ching nü dünkheak tüzhode tripchoh.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

JOEL 1:8

Anünürü khülangnü arhangpü thsüchoki nihbe müyambuh shekhi shungliukhim phuyubah tüzhokhi nangde tüzhoang.

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

MIKA 1:16

Nüsanü asühkhi tsührübo thsungkheak tüzhode kuyü hütang; nüsanü müleangtopü nangde rakrak hütang tümüde arübo nüsa kheaknü ramtso ching yüdo.

YUZÜNGTHALO 28:22

Nüsa müsheshihyi khiungde Atungpuhnü nüsa kheak ashepü tukthsü, phütsak tüsho abümpü, alamlam tüsho thsühnuk, mümüpü tüsho mokri arüshihbah.

YUZÜNGTHALO 32:24

arübo akhümnü ashebah tüsho takde alamlamkhinü tüsho atrebe tukthsünü ashebah; tüsho inü arü azhihde mütüm shiwüh yüshihbah, tüsho müzüm-phuruto anguhpü yüshihbah.

1 PETER 3:3

Nüsa jak tsükhi ju aleanglim kuyü müchekhi, suna züt thsükhi, tüsho khimmih atsü yihkhinü dülashih,

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

AMIKHEAKAKHIUKKHI 16:9

mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.

AMIKHEAKAKHIUKKHI 18:9

Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah;