ISAIA 3:16 - AMÜSÜH HÜM CL Bible (BSI)

¹⁶ Atungpuhnü tha: Tümütüsho Zion tsührübebo kükheangküyang lah tüsho hungbo züngkihbah tsahchoh, arü mükji müzhingbah kheahchoh, arü yüchoki kakkakde, arü jing tsüngtsüngchoh;

ISAIA 3:16 Iomraidhean Croise

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

MÜCHITMUDU 21:4

Mük-müzhingkhi, kükheangküyang mulong tüsho mihbukmuyuk ju neak ah.

MÜCHITMUDU 30:13

Mihtsürü khürü mükjibo khide müzhingde, khenoabahde kheahchoh.

KHÜNBOLUNGKHÜN 3:11

Akhiukang, O Zion tsührü liberübo, abenü api thranjihkhi kuthran kheak api yamkhün thsükhi nimung, api mulong asühkhi nimung kiulongthsüpuh Solomon kheak kheahang.

ISAIA 1:8

Tüsho Zion tsührübe lang kurungasolu ching yün nangde, liuheak lu ching yünshim nangde, azündokhi kiuto nangde aninga lah.

ISAIA 24:4

Alomi kungabahchoh tüsho yiuhabahchoh, alomiküp thsünüchoh tüsho yiuhabahchoh; thüning ju alo lung rukhüh thsünüchoh.

ISAIA 3:1

Tümüde kheakü Wuto Atungpuhnü arü tsühyungbe ngüpung yikhap tüsho ke alala Jirusalem tüsho Juda chingnü hande tsochoh;

ISAIA 3:17

Atungpuhnü Zion tsührübebo kubo müshaknü athsünüshihbah, tüsho Atungpuhnü arübo bünkeang kamshihbah.

ISAIA 3:18

Ju nimung Atungpuhnü atsübe lakbo, kutsümbe, tüsho khinulakbo lude atsobah;

ISAIA 3:4

Tüsho inü athrürü nunubo arü yakzanshuhrü kamshihbah, tüsho khungarübonü arü kurungkheak yakzan shuhbah.

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

LUKNÜ ATHRÜTKHI THIYUSHEAK-ATSÜ HUHTANYU 23:28

Tüshe Jisunü arü kilim rholobah tha, “Jirusalem liberübo, I thsungkheak dütrip, tüshe nüsa le nüsa tsührübo thsungkheak tripang.