ISAIA 3:14 - AMÜSÜH HÜM CL Bible (BSI)

¹⁴ Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 3:14 Iomraidhean Croise

JOB HU H T ANYU 22:4

Nünü api tremonü apinü nü thürühcho de, tüsho nü kheak mahkhapcho de?

JOB HU H T ANYU 24:14

Mihlaksahrünü zhochihrü tüsho mükheakmürakrü laksahpü mükikde asürüchoh tüsho azhing ching ahührü nangde lah.

JOB HU H T ANYU 24:9

Khürünü mürerü khungarübo azhorü kamshihchoh, tüsho arhokhitpü thiyuchihchimde zhochihrü tsührübo luchoh.

JOB HU H T ANYU 34:23

Tümüde Thrünpuh müngüh mahkhap ching yüpü apinü she ki she kim akhua müla.

MUNGSHIKHÜN 10:9

Kekhüzü ayam ching nangde apinü zhochihrü tholopü jika aleangde binchoh; apinü arü keang ching wuka lubah tsochoh.

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

MUNGSHIKHÜN 143:2

Nü yamlarü kheak mahkhappü ching düyüzah, tümüde nü miki rhangdung lakhi sheshe thiyuro-lungki müla.

MÜCHITMUDU 30:14

Mihtsürü khürü arü hü nukshangbo nangde, arü shihtsüh hü mükjibo nangde, alomi chingnü zhochihrü tüsho mihtsürü bolungnü mükheakmürakrü muyuabahpü lah.

ISAIA 10:1

Nüsa shepünü thiyuro mülakhi yakzan thsüchonü are, shepünü ajunobe yuzüng thrütcho,

ISAIA 10:2

küpkhukrü thiyuro chingnü beakhinpü tüsho I mihtsürü zhochihrü alim bephülappü, junangde khimoberübo nüsa yo ayankhikhi kukruk thsübah, tüsho mürerübo nüsa shih thsübah!

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 14:30

Zhochihrü bolung zhochih traktrakrü yimtsühpü ngübah, tüsho küpkhukrü atsokhitkhi ching yapbah; tüshe inü nü ying akhümnü asheshihbah, tüsho nü kheaknü aningkhi inü alaksahbah.

ISAIA 26:6

Jingnü judodo, junoa larü jingnü, zhochihrü jingdükünü.

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 58:4

Kheahang, nünü rukachihpü tüsho shochihpü tüsho mihbukmuyuk khah-zhimpungkhi kheak shangpü lang khümkeak thsüchoh. Khihni ha ruk khümkeak thsükhinü nü düsheak achang kheak musoshih.

JEREMIA 12:10

Namfimihnu neakrü ahihdonü I yo kurungasolu thsümünimdo, arünü I shihcham junakdo, arünü inü asühkhi shihcham azhikkhi sunglo kamshihdo.

JEREMIA 5:27

Wuhnubonü amikhi truji nangde, arü yambo mulomülapnü milah; jumonü arübo ato tüsho alarü kamkheah,

EZEKIEL 18:12

Apinü zhochihrü tüsho müthsümülarü junochoh. Apinü jangkhijangra rhimochoh. Apinü thiyuchihchimde alukhi müjihlo, apinü sangthsübo kilim kheahchoh. Apinü athraneanbebo rhimochoh.

EZEKIEL 20:35

inü nüsa trükshihbo sunglo ching bedarübah tüsho ju ching mironü miro, nüsa kheak inü mahkhapbah.

EZEKIEL 20:36

Inü nüsa mahkhapbah, Wuto Atungpuhnü thachoh.

LEVI 25:14

Tüsho nüsanü yamhingrü ki alo yinsho yungsho nü yamhingrü kheaknü thulosho, khülangnü khülang dümülapyuk.

LEVI 25:17

Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

MIKA 2:2

Arünü thulubo lunechoh, tüsho jurübo jangkhichoh; thüyambo she lude tsochoh; arünü thüyam putungrü tüsho thüyam, mihtsürü tüsho arü yamrüplurüp junochoh.

MIKA 3:3

sherünü I mihtsürü shih tsühcho, arü küp khukkhicho, arü robo adütre kamde yihnakcho, tüsho dubo le phühto ching lakhi shih nangde khapthünakcho.

MIKA 6:10

Mihbukmuyukrü yambo ching, arünü thiyuronü müngükhi rahpungbo lah. Arünü inü athraneankhi mukhiukdahkhi akesang ahorichoh.

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

JAKOB 2:6

Tüshe nüsanü zhochihrü mükhemükimdo. Nüsa junokhi ju alarünü yung de, nüsa mahkhappung ching nima yüshihkhi arü yung de?