ISAIA 3:13 - AMÜSÜH HÜM CL Bible (BSI)

¹³ Atungpuhnü api dünkheak atsangpü asürüchoh; apinü mihtsürü mahkhappü zhipchoh.

ISAIA 3:13 Iomraidhean Croise

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 74:22

Asürang, O Thrünpuh, nü dünkheak leangloang; makharü mihtsürünü nü nimung aban münejihkhi lümkhitang.

MUNGSHIKHÜN 82:1

Amukhungrü ato ching Thrünpuh zhiplah; apinü thrünpuhbo lung mahkhapchoh.

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

ISAIA 66:16

Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

JOEL 3:12

Trükshihbonü asürüshang, tüsho Jehoshaphat Jindükhün ching atushang; tümüde ju ching inü mühirü trükshih alala mahkhapbah.

MIKA 6:1

Atungpuhnü tümü thachonü aniang: Asürang, nü lümkhi müzüngbo müngüh hande arang, tüsho awungbonü nü düsheak soshang.

MIKA 6:2

Nüsa müzüngbo, tüsho nüsa akheam mülakhi alomi khimtanbo, Atungpuhnü müdamkhi soang; tümüde Atungpuhnü api mihtsürü kheak müdampü lah, tüsho apinü Israel kheak müneahbah.