ISAIA 3:11 - AMÜSÜH HÜM CL Bible (BSI)

¹¹ Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 3:11 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

1 KIULONG THSÜRÜ 21:21

inü nü kheak thsümüchi hande arübah; inü nü muyubah, tüsho Israel ching rhüka lakhi tüsho zuzu lakhi athrürü Ahab kheaknü akheamshihbah;

2 KIUTHSÜYUKHEAN 6:23

nünü yinmi chingnü sojang, rhimoang tüsho nü yamlarübo mahkhapang, amülim larübo ki arü thülünkhinü thsümüchiang tüsho thiyuro larübo dükheang.

JOB HU H T ANYU 10:15

I mihbukmuyuk dükhülaa, I ayokhe! I thiyuro lalashe, inü I ku mudukokhuk, tümüde I achihnü mide thsünükhi ching lah.

MUNGSHIKHÜN 28:4

Arü mihbukmuyuk rhimo yande arü ki jihang; arü khah rhimo yande arü thsümüchiang; arünü athülünkhi arü kheak rhimoang.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 11:31

Alomi ching thiyuro-lungkirü thsambah ngüchoh, junangde mihbukmuyuk tüsho aneakrü thsümüchibah de mütsanang!

MÜCHITMUDU 12:14

Mihtsürü khülang ju nihbuh mün sangaso atsünü reangkeambah, tüsho api khah rhimonü anihbuh thsambah ngübah.

MÜCHITMUDU 26:27

Shepünü alokhün kiuchonü ju ching keamyukbah, tüsho shepünü lung phülahchonü junü api kheak lungkihlobah.

T H S AN GYU T H S AN GR ARÜ 8:13

tüshe mihbukmuyuk ki a tsüde müla, yungsho alamme khülang nangde alakhi arü nimungbo mushuhakhin, tümütüsho arünü Thrünpuh miki trede müzhip.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 48:22

Atungpuhnü thachoh, “Mihbukmuyuk thsungkheaknü mungtsü müla.”

ISAIA 65:20

Kheaküa ju ching khungarü nimung anükhüh müla, yungsho ashinbuhrü rhangdung khiukde alabah; tümüde shepü kam 100 ching shebanü athunu khebah, tüsho shepü kam 100 mukhiungbanü muthrumünean khebah.

ISAIA 65:6

Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 21:14

Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 31:30

Tüshe alala arü nihbuh neak dünkheak shebah; kurungaso asan tsührü aban hü mütrambah.

EZEKIEL 16:59

Wuto Atungpuhnü ha thachoh: Inü nü ki nü rhimo thülünnü arhimobah, tümütüsho nünü tangzüng thsümünimde I thiyuchihchim mükhemükimdo.

EZEKIEL 18:20

Neak yihbeakrü me ju ashebah. Tsührünü abuh amülim mühanrung, yungsho abuhnü tsührü amülim mühanrung. Thiyuro-lungkirü thiyuro-lungkikhi ju api kilim yukajakjihbah, tüsho mihbukmuyukrü mihbukmuyukkhi ju api yo thsübah.

EZEKIEL 2:10

Apinü ju I miki trün; ju thripkhüh thripkhüh tüzhokhi le mitripkhi tüsho ayokhe yubo thrüta lakheah.

EZEKIEL 24:14

I Atungpuhnü asukdo; kim arüchoh, inü rhimobah. Inü mutsomuwuh, inü maningshih, inü mülümalo. Nü limrobo tüsho nü rhimobo yande inü nü mahkhapbah, Atungpuh Thrünpuhnü thachoh.

EZEKIEL 33:8

Inü mihbukmuyuk ki, “ O mihbukmuyukbo nüsa tsükjide ashebah” de thasho, tüsho mihbukmuyukbo arü limrobo chingnü rholopü nünü kurhangyu masuksho, mihbukmuyuk ju arü mülimkhi ching shebah, tüshe arü thiyih inü nü khah chingnü akheangbah.

MIKA 3:4

Judüki arünü Atungpuh ki zhibah, tüshe apinü arü ki malojih; ju kim ching apinü amiro arü kheaknü ajikbah, tümütüsho arünü mihbukmuyukde rhimodo.

MIKA 7:13

Tüshe ju ching larü rhimo sangasobo dünkheaknü alomi zhikrangkhündo alabah.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

MAHKHAPRÜ 9:57

Tüsho Thrünpuhnü Shekem mihtsürü amütsü-rhimo alala arü ku kheak jihlo, tüsho Jerubbaal tsührü Jotham muthrumünean arü kheak arü.