ISAIA 29:8 - AMÜSÜH HÜM CL Bible (BSI)

⁸ Khümsahde alakhi mihtsürünü yimtsühde mibah ju ruk lang khümde asürükhi ruk, yungsho kethüri mihtsürünü ke yungde mibah ju ruk lang thüride, sühkeakeade asürükhi ruk, junangde Zion bede thirithsürü trükshih boto alala labah.

ISAIA 29:8 Iomraidhean Croise

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

MUNGSHIKHÜN 129:5

Zion thraneanrü alala achih ngüshang tüsho rholoshang.

MUNGSHIKHÜN 73:20

Khürü asürüchoki milim khülang nangde, jumonü Atungpuh , küyimki nü asürübanü arübo kheamabahbah.

ISAIA 41:11

Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 41:12

Nünü nü müneahrü yimbah tüshe nünü arü müngü; sherünü nü bede thirithsüchonü tümü mülakhi kambah.

ISAIA 44:12

Yingkingrünü ha thsüchoh tüsho mokhih kheaknü ha rhimochoh, yümlungnü yümarihchoh, tüsho api bin amürangnü hitchoh; api khümabahchoh tüsho asühmüh keakeade kamchoh, api kethürichoh tüsho keakabahchoh.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

NAHUM 1:15

Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.

NAHUM 2:1

Nü azhihde ayanrü atua lah! Chipibo aheangang; limro kheahang; nü chimbo rümang; keochihpü thsakhamang.