ISAIA 29:23 - AMÜSÜH HÜM CL Bible (BSI)

²³ Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 29:23 Iomraidhean Croise

ISAIA 19:25

sherübo ki Wuto Atungpuhnü müngühjihde tha, “ I mihtsürü Ijip müngühmühi thsang, tüsho I khahnü rhimokhi ju Asiria, tüsho I yamrüplurüp ju Israel.”

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

ISAIA 28:21

Tümüde Atungpuhnü Perazim wung kheak nangde asürübah, apinü Gibeon jindükhün ching nangde bukakhiukbah–junangde müdünjia kheahkhi amüyinsahbe api rhimo rhimobah.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 8:13

Tüshe Wuto Atungpuh ki nünü amüsüh ah de lümang; nünü api ki trepü lah, nünü api ki atrearangpü lah.

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 19:5

Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.”