ISAIA 29:2 - AMÜSÜH HÜM CL Bible (BSI)

² Tütüshe inü Ariel lümthsünü jihbah, tüsho ju ching mitripkhi tüsho atüzhokhi labah, tüsho alibe ju I ki Ariel nangde alabah.

ISAIA 29:2 Iomraidhean Croise

ISAIA 1:14

Nüsa khinu asobo tüsho akhukhitkhi thüniobo I menü thraneanlah; arübo I hahmülang khülang kamdo, arü hankhinü I khiabahdo.

ISAIA 10:32

Ha nimungnü api Nob ching labah, apinü Jirusalem awung, Zion tsührübe Müzüng kheak akhah zhimpungkhi niukbah.

ISAIA 17:14

Arelim kim ching kheahang, atrebe! Yapsu mükikde arübo müla. Ha isa thsümünimrü kuhi lah, tüsho isa yanrü shihcham lah.

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 34:6

Atungpuh nukshang khülang lah; ha thiyih shitkih-a lah, namfimihnu tüsho mihnu thiyihbonü, namfimihnupung mügei müdangnü mujukihlah. Tümüde Atungpuhnü Bozra ching shuhmülanga jihkhi lah, Edom lomi ching alaksahkhi ato lah.

ISAIA 36:22

Judüki Hilkia tsührü Eliakim, shepü kiulongthsüpuh yam abebuh lakhea, tüsho athrütyukbuh Shebna, tüsho Asaph tsührü athrütbuh Joa, arü khim thorüpbahle Hezekia kilim arü, tüsho Rabshake yubo api ki thaa huh.

ISAIA 37:3

Arünü api ki tha, “Hezekia nü ha thachoh, ha nimung lümthsünü, athürühkhi tüsho mümuzhokhi nimung khülang; tsührübo zübedo, tüsho arü mütrümusupü sühmüh müla.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

EZEKIEL 39:17

Mihtsürü tsührü, Atungpuh Thrünpuhnü ha thachoh: Wuhnu mungji tüsho mütüm shiwüh alala ki asukang: Mukhungang tüsho arang, inü nüsa thsungkheak laksah-a thünio thsakhamkhi Israel müzüngbo kheak laksah-a kingaünkhi ato ching mukhungang, tüsho nüsanü shih tsühbah tüsho thiyih yungbah.