ISAIA 29:19 - AMÜSÜH HÜM CL Bible (BSI)

¹⁹ Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 29:19 Iomraidhean Croise

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 25:9

Apinü azhihayih ju alungki ching bechoh, tüsho api limro thsangyuchoh.

MUNGSHIKHÜN 37:11

azhihayihrünü lomi lubah tüsho latsühlayung le mungtsü ching asühachihbah.

MUNGSHIKHÜN 9:18

Tümüde müthsümülarü kamruhroro mihamübah; zhochihrü mükkin thsükhi lünnü müdükheak.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 14:30

Zhochihrü bolung zhochih traktrakrü yimtsühpü ngübah, tüsho küpkhukrü atsokhitkhi ching yapbah; tüshe inü nü ying akhümnü asheshihbah, tüsho nü kheaknü aningkhi inü alaksahbah.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 26:6

Jingnü judodo, junoa larü jingnü, zhochihrü jingdükünü.

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 3:15

Nüsanü zhochihrü miro shungthünakde I mihtsürü zünakkhi ha tümü amütsan a? Wuto A TU N GPU H Thrünpuhnü thachoh.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

HABAKKUK 3:18

tütüshe inü Atungpuh lung asühachihbah; inü I khümkhitrü Thrünpuh lung tode asühbah.

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 5:3

“Me ching zholümde alarübo asühpü, tümüde yinmi kiulongthsü arü yo.

MATHI 5:5

Tsüyihrübo asühpü, tümüde arünü alomi yamrüplurüp lubah.

EFISIA 4:2

azhihayihde tüsho tsüyihde, arümkheamde, amuzho ching khülangnü khülang arümkheamachihde,

FILIPI 4:4

Atungpuh lung kamruhroro asühang; inü thalochoh, asühang.

JAKOB 1:21

Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.

JAKOB 1:9

Abobe kuhi ching lakhi keoniorünü api shuhkihkhi dünkheak dükükheang,

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?