ISAIA 29:18 - AMÜSÜH HÜM CL Bible (BSI)

¹⁸ Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 29:18 Iomraidhean Croise

MUNGSHIKHÜN 119:18

I mükbo khimshuhjang, junangde nü yakzan ching amüyinsahbebo inü angübah.

MÜCHITMUDU 20:12

Asopü nükhün tüsho angüpü mük ane chido Atungpuhnü thrünjihdo.

ISAIA 29:24

Tüsho sherünü me ching lakmih-a lanü anikhitkhi ching arübah, tüsho sherünü arhunganimchonü thsangdankhi leangkhibah.

ISAIA 32:3

Judüki mük larübo müyihdo, tüsho nükhün kihrübonü anibah.

ISAIA 35:5

Judüki müktukrü mükbo khimshuhbah tüsho nükhünpeangrünü asobah;

ISAIA 42:19

Shepü mük tuka la tüshe I yamlarü, yungsho nükhün peanga inü athiyikhi yunithsürü nangde la? Shepü inü müsükhitkhi khülang nangde müktuk a, yungsho Atungpuh yamlarü nangde müktuk a?

ISAIA 42:7

müktukrü mük khimshuhpü, amiting rihyam chingnü aramrü bekhitpü.

ISAIA 43:8

Müktukrü mihtsürübo bedarang, tütüshe sherü mükbo la, sherü nükhün peanga la, tütüshe nükhünbo kihla!

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MARK 7:37

Tüsho arünü hodakde müyinsahde tha, “Apinü alala tsüde rhimodo. Apinü nükhünpeangrünü soshih tüsho mulokikrünü thashih.”

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 7:22

Tüsho apinü arü ki tha, “Yüang tüsho nüsanü tümü ngüde tüsho sodünü Johan ki thaang: müktukrünü ngüchoh, jingkikrünü tsahchoh, aphamrü müsüh-a lah, nükhünpeangrünü sochoh, asherü arhang kamlodo, zhochihrü ki thiyusheak atsü thsangyudo.

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

JOHAN 9:7

Tüsho apinü anihbuh ki tha, “Yübah Siloam (amütsan yüshih) kekhip chingnü müsühang.” Jumonü apinü yübah müsüh tüsho ngüde alodarü.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

YUZÜNGTHALO 29:4

Tütüshe ha nimung khiungde, Atungpuhnü nüsa ki anikhitpü lüm, angüpü mük tüsho asopü nükhün müjih.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.