ISAIA 29:15 - AMÜSÜH HÜM CL Bible (BSI)

¹⁵ Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

ISAIA 29:15 Iomraidhean Croise

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

2 KIULONG THSÜRÜ 17:9

Israel mihtsürübonü aramlimnü Atungpuh arü Thrünpuh azhihde rhimo. Arünü arü kiuto alala ching nihbuh thsungkheak achang dangpungbo aheangsadam kinü chipi ayünkhi kiuto khiungde thsü;

JOB HU H T ANYU 34:22

Amütsü-rhimorü jikpü thsüde ju ching amiting yungsho alamme müla.

MUNGSHIKHÜN 59:7

Atsütsü, arü mün chingnü amapkhitchoh; arü münküp ching nukshangbo lah; tümüde arünü thachoh, “Shenü sola?”

MUNGSHIKHÜN 73:11

Tüsho arünü thachoh, “ Küde thsah Thrünpuhnü mükheahcho? tüsho Khide Achangbuh kheak mükheahmudu la shi?”

MUNGSHIKHÜN 83:3

Arünü nü mihtsürü azhihde ramde lümkhi thsüchoh; nünü akümdokhi azhihde arünü azhihchoh.

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 28:17

Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

EZEKIEL 8:12

Apinü I ki tha, “Mihtsürü tsührü, Israel yamkhün azothsürübonü nihbuh sangthsü kingaünpung ching ramde tümü rhimochonü ngünah? Arünü tha, ‘Atungpuhnü isa müngü; Atungpuhnü alomi bahyukdo.’”

EZEKIEL 8:8

Apinü I ki tha, “Mihtsürü tsührü, kheakü rhü yeahshungang.” Jumonü inü rhü yeahshung tüsho ju ching ripit-limro khülang ngü.

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

HOSEA 5:2

tüsho Shittim ching shingkung kiukhi asük lakheah; tüshe inü arü alala thsümüchibah.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

JOHAN 3:19

Tüsho abahyukkhi ha lakhi ju, alomiküp ching ayin arü tüsho mihtsürübonü ayin kheaknü amiting muzho tümütüsho arü rhimobo amütsü lakheah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.