ISAIA 28:21 - AMÜSÜH HÜM CL Bible (BSI)

²¹ Tümüde Atungpuhnü Perazim wung kheak nangde asürübah, apinü Gibeon jindükhün ching nangde bukakhiukbah–junangde müdünjia kheahkhi amüyinsahbe api rhimo rhimobah.

ISAIA 28:21 Iomraidhean Croise

2 SAMUEL 5:20

Jumonü Davidnü Baal-perazim ching arü, tüsho ju ching arü kuk. Apinü tha, “ Keking bukkhitkhi nangde Atungpuhnü I riribo I müngüh bukmüzütshihdo.” Jumonü ju dangpung ki Baal-perazim de ji.

2 SAMUEL 5:25

Atungpuhnü thiyukhüm jihkhi nangde Davidnü rhimo; tüsho apinü Filistiarü Geba chingnü Gezer khiungde yande müsham.

1 KIUTHSÜYUKHEAN 14:11

Jumonü apinü Baal-perazim ching wutu, tüsho ju ching Davidnü arü kuk. Davidnü tha, “Düchi zünkhi nangde Thrünpuhnü I khah hode I riri azhihde zünashung.” Jumonü ju dangpung ki Baal-perazim de jichoh.

1 KIUTHSÜYUKHEAN 14:16

Thrünpuhnü api ki thiyukhüm jihkhi nangde Davidnü rhimo, tüsho arünü Filistiarü bonungrü Gibeon chingnü Gezer khiungde yankhit.

MUNGSHIKHÜN 94:16

Amütsü rhimorü azhihde I thsungkheak shepü asürüba? Amülim rhimorü azhihde I thsungkheak shepü zhipba?

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 28:19

Hanü kheakü kheakü hochoki nüsa shikbah, nimung aban tüsho tsüngre aban; tüsho thiyusheak sokhi aban atrebe labah.

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 64:2

monü sangkhah aniuchoki nangde tüsho monü ke amapshihchoki nangde–nü azhihrü ki nü mung mükheahshihpü, junangde trükshihbonü nü miki ajanbah!

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

TÜZHOKHI 2:15

Limro tsahhorü alalanü nü kheak arü khahbo damchoh; arünü Jirusalem tsührübe kheak ish thsüchoh tüsho ku lukchoh; “ Khiukdahde akhamkhi de ajikhi kiuto alomi alala asühbe thsü ha a de?”

TÜZHOKHI 3:33

tümüde apinü künsahde mihtsürü tsührü müthsünüshih yungsho mulong murozhakshih.

EZEKIEL 33:21

Isa ramtsokhi kam thürükheak mahne ching, khinu thürü, phüngü nipü, khürü Jirusalem chingnü atsokhitrü I kilim arü tüsho tha, “ Kiuto lunga lah.”

HABAKKUK 1:5

Trükshihbo kheak mürüngang, tüsho kheahang! Tode müyinnimang! Tümüde nü ki thatha she nünü akin mülapü thsüde nü nimungbo ching rhimo rhimodo.

JIHUSUA 10:10

Tüsho Atungpuhnü arübo Israel müngüh yingyingde kamshih. Israelrübonü arü Gibeon ching laksah tüsho yande Beth-horon wutu limro khiung, tüsho Azeka le Makkeda khiungde laksah.

JIHUSUA 10:11

Küyimki Amorrü ju Israel bonungrü müngüh alihde yükheanü, Atungpuhnü arü kheak Beth-horon chingnü Azeka khiungde aru keamkhishih. Israelrü thsühnuknü alaksahkhi kheaknü arunü akingsahkhi ahihbe lakheah.

JIHUSUA 10:12

Atungpuhnü Israel mihtsürü kilim Amorrü kheak akuk ngüshihkhi nimung mihtsürübo lungnü Jihusuanü Atungpuh ki tha, “ Ani, Gibeon kumung dütsahde zhipang; khinu, Aijalon jindükhün ching zhipang.”