ISAIA 28:19 - AMÜSÜH HÜM CL Bible (BSI)

¹⁹ Hanü kheakü kheakü hochoki nüsa shikbah, nimung aban tüsho tsüngre aban; tüsho thiyusheak sokhi aban atrebe labah.

ISAIA 28:19 Iomraidhean Croise

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIULONG THSÜRÜ 18:13

Kiulongthsüpuh Hezekia kam thürükheak phüyipü ching, Asiria kiulongthsüpuh Sennakeribnü chipi thsükhi Juda kiutobo alala azhihde atu tüsho yanabah.

2 KIULONG THSÜRÜ 21:12

jumonü Atungpuh Israel Thrünpuhnü ha thachoh, Inü Jirusalem tüsho Juda kheak amütsü hande arüchoh, junangde ju sorübo nükhün jingjingbah.

2 KIULONG THSÜRÜ 24:2

Atungpuhnü api azhihde Kaldea, Siria, Moab, tüsho Amon bonungrübo yüshih; apinü ayamlarü wukihrübo hode asukkhi Atungpuh yu yande Juda azhihde dükheakshihpü arübo yüshih.

JOB HU H T ANYU 18:11

Athrip abande atrebenü api müzünchoh, tüsho api lahzhi kheak müthsakkihlah.

JOB HU H T ANYU 24:17

Tümüde kheahde amitingkhi ju arü alala thsungkheaknü yapsu ah; arünü atrebe amiting kheak müyamrü thsüchoh.

JOB HU H T ANYU 41:9

Ju kukpü mulonglamkhi ju akeangkeang; ju mük ki thrünpuhbo she zhidoabahkhi yung de?

JOB HU H T ANYU 6:4

Tümüde Wuto hühzobo I kheak lah; I menü arü müzüm yungchoh; Thrünpuh yo atrebe I azhihde khin thsülah.

MUNGSHIKHÜN 55:4

I mulong ching thsünükhi lah, mihtrebe ashepü I kheak akihdo.

MUNGSHIKHÜN 88:15

I athunuchokinü I thsünüshih tüsho ashepü thünina lah; arünü athsümüchikhi hahmülangnü I khibülaka lah.

ISAIA 33:7

Aniang! Wungdo phulung ching mulong torünü azhikhi; mungtsü yusheak hanrü khühde tripchoh.

ISAIA 36:22

Judüki Hilkia tsührü Eliakim, shepü kiulongthsüpuh yam abebuh lakhea, tüsho athrütyukbuh Shebna, tüsho Asaph tsührü athrütbuh Joa, arü khim thorüpbahle Hezekia kilim arü, tüsho Rabshake yubo api ki thaa huh.

ISAIA 37:3

Arünü api ki tha, “Hezekia nü ha thachoh, ha nimung lümthsünü, athürühkhi tüsho mümuzhokhi nimung khülang; tsührübo zübedo, tüsho arü mütrümusupü sühmüh müla.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

JEREMIA 19:3

Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 4:5

Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 4:9

Atungpuhnü thachoh, ju nimung kiulongthsürü tüsho atorübo mulong ninide akambah; amükeamrübo müyinnimbah tüsho wukihrübo müyinsahbah.

JEREMIA 6:24

“ Isanü arü yusheak sodo, isa khahbo keahkhia lah; thsünükhinü aliberü zübechoki thsünükhi nangde isa tholoa lah.

TÜZHOKHI 2:22

Thünio nimung khülang nangde nünü mühi alala chingnü I riribo juyukdo; tüsho Atungpuh bukakhiukkhi nimung she mutsokhit yungsho maning; shepü inü zübekhea tüsho mütrükheanü I ririnü thsümünimdo.

DANIEL 7:28

Akhekhi ha akheam. I, Daniel thsungkheak a, I lümkhinü I tode treshih, tüsho I miro pheakmulukdo kam; tüshe amütsan inü I lüm ching zo.

DANIEL 8:27

Jumonü I, Daniel lümthsünüde kam tüsho nimung anükhüh tukthsüde yap; jushu inü asürü tüsho kiulongthsüpuh rhimo thsungkheak yü. Tüshe michihnü I yingyingabah tüsho ju manikhit.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

1 SAMUEL 3:11

Judüki Atungpuhnü Samuel ki tha, “ Kheahang, inü Israel ching tümüanü arhimopü lah tüsho shepünü ju sobanü nükhün ane chido peangbah.