ISAIA 28:18 - AMÜSÜH HÜM CL Bible (BSI)

¹⁸ Judüki nüsanü ashekhi kheak tangzüngkhi dükheakbah, tüsho Ashe-lomi kheak thiyuchihchimkhi müzhip; küyimki thsümütsü arübanü junü nüsa thrümmülünbah.

ISAIA 28:18 Iomraidhean Croise

ISAIA 2:15

aheangsadam aban azhihde, tüsho chipi ayünkhi aban azhihde;

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 28:3

Ephraim amüshangrü kükheangkhi kuthran ju müphü khüp junakbah.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 7:7

jumonü A TU N GPU H Thrünpuhnü ha thachoh: Hoju akuk müngü, tüsho müdünji.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

ISAIA 8:8

keking nangde Juda ching zünde ayüzahbah, tüsho abukkhitbah, junü ahung khiungbah; tüsho aghi chutreakkhinü nüsa lomi apunglim mibah, O Immanuel.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 2:37

Nü khahnü ku thürümlobah ju chingnü she nü arüabahbah; tümüde nünü mulonglamrü Atungpuhnü bahyukdo, tüsho arü hode nü alü müngü.

JEREMIA 44:28

Tüsho nukshang chingnü atsokhitrü akhekhi nükde Ijip lomi chingnü Juda lomi lim alodarübah; tüsho aningkhi Juda Ijip lomi ching lapü arürübonü I yu a shi arü yu zhipbanü amükheahbah!

JEREMIA 47:2

Atungpuhnü ha thachoh: Kheahang, dukulimnü kebo akichoh tüsho düchi-bukkhi ayung kambah; arünü lomi tüsho ju ching lakhi kiuto tüsho ju ching larübo zündobah. Mihtsürübonü azhihbah tüsho lomi ching larü alalanü tüzhobah.

TÜZHOKHI 4:17

Arung thsungkheak akeangkeang ching kheahkhinü isa mük keahdo; isanü isa aheangsadambo kheaknü isa mükhümkhitkhukpü lakhi trükshih kheahde alakheah.

EZEKIEL 13:11

Amüyenü mujudorü ki ha akeambah de thaang. Tsüngnü düchi bede arübah, tüsho akingbeakshihpü arulung akishihbah, tüsho apung amüküpnü yünbeakshihbah.

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

AMIKHEAKAKHIUKKHI 12:15

Phurutonü anihbe ju kekingnü zünde atsopü thsüde amün chingnü ayung nangde ke bukkhitshih.

AMIKHEAKAKHIUKKHI 17:15

Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah.