ISAIA 28:17 - AMÜSÜH HÜM CL Bible (BSI)

¹⁷ Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 28:17 Iomraidhean Croise

2 KIULONG THSÜRÜ 21:13

Samaria thsungkheak akebe-liu, tüsho Ahab yamkhün thsungkheak awukbe-liu inü Jirusalem binghode ayübah; khürünü phuru müsühkhi nangde inü Jirusalem nana bahbah tüsho aniukphülapbah.

JOB HU H T ANYU 22:16

Arübo arü kim mukhiungde tsoabahdo; arü khimtanbo kekingnü müsühabahdo.

MUNGSHIKHÜN 94:15

Tüshe mahkhapkhi ju thiyuro-lungki lim rholochoh, tüsho mulong ching lungkirü alalanü ju yanbah.

ISAIA 10:22

Tümüde nü mihtsürü Israel keto loyi nangde lalashe arü aningkhi lang alodarübah. Adükheakshihpü ju thiyuro-lungkinü mide yakzan thsakhamlah.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 28:2

Kheahang, Atungpuh lung Wuto tüsho sühmüh lakhi khülang lah, tsüngpungtsüngpung aru nangde, athsümünimbe chinthrüm nangde, amüküp tsüngpungtsüngpung nangde, zhikhiukde abukkhi kebo; api khahnü arübo alo kheak jipkhia bahbah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 30:28

api sheak thsükhi ju ketokhi ayung nangde hung khiunglah–athsümünimbe yikeangnü trükshihbo ayipü, tüsho mihtsürü münjak ching arü bephülappü münrhükbe lah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

JEREMIA 7:14

jumonü I mung tamde ajikhi yam, küpü ching nüsanü kincho, tüsho inü nüsa le nüsa jipürü kilim jihkhi dangpung kheak, inü Shilo ching rhimokhi nangde arhimobah.

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

EZEKIEL 38:22

Arüm-tukthsü tüsho thiyih bukde inü api kheak mahkhappü ching yüzahbah; tüsho inü api le api lung lakhi mihtsürü ahihdo kheak düchi tsüng tüsho arubo, mo tüsho motsüng akishihbah.

DANIEL 11:22

Api müngüh bonungrübo tüsho Thrünpuh yo Achangbe Amükeambuh she shahde phüta bahbah tüsho alaksahbah.

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

MATHI 7:27

Tsüng arü, ayungbo düchi arü, apungbo yün tüsho ju yam kheak nim tüsho ju keamabah; ju lungkhi atrebe lakheah.”

ROMRÜ KILIM PAULNÜ ATHRÜTKHI KIHÜM HUHTANYU 2:2

Thrünpuh mahkhap ju hadürü rhimorü kheak lungkide keamchoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 9:28

tümüde Atungpuhnü alomi kheak api rhimo niokheamde tüsho akheam thsüde arhimobah.”

JIHUSUA 10:11

Küyimki Amorrü ju Israel bonungrü müngüh alihde yükheanü, Atungpuhnü arü kheak Beth-horon chingnü Azeka khiungde aru keamkhishih. Israelrü thsühnuknü alaksahkhi kheaknü arunü akingsahkhi ahihbe lakheah.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 16:21

tüsho arulung atobo, khahngak 50 bande thüning chingnü mihtsürü kheak keam. Tüsho arulung arüm dünkheaknü arünü Thrünpuh athru, tümütüsho aru ju khide atrebe lakheah.

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

AMIKHEAKAKHIUKKHI 8:7

Akhuhbe yunirünü api hulipungpung müt, tüsho aru le mo thiyih lung düsahbah alomi kheak keamkhi; alomi shihcham mahsam ching khülang, tüsho sangdungbo shihcham mahsam ching khülang, tüsho sangrung phüyak alala aniuabah.