ISAIA 28:15 - AMÜSÜH HÜM CL Bible (BSI)

¹⁵ Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 28:15 Iomraidhean Croise

THRÜNTAN 37:20

Jumonü arang, isanü api laksahanü tüsho alokhün khürü ching bahanü; tüsho isanü athabah, ‘Mütüm shiwüh khürünü api tsühdo.’ Api milimbo tümü kambanü isanü akheahbah!”

JOB HU H T ANYU 5:23

Tümüde thulu ching lungbo kheak nünü tangzüng labah, tüsho mütüm shiwühbonü nü kheak mungtsü labah.

T H S AN GYU T H S AN GR ARÜ 8:8

Apung yanlopü she kheak wu müla, yungsho ashepü nimung kurungkheak wu müla; thirithsü chingnü atuklokhi müla, yungsho mihbukmuyuk rhimorü junü mübekhit.

ISAIA 28:18

Judüki nüsanü ashekhi kheak tangzüngkhi dükheakbah, tüsho Ashe-lomi kheak thiyuchihchimkhi müzhip; küyimki thsümütsü arübanü junü nüsa thrümmülünbah.

ISAIA 28:2

Kheahang, Atungpuh lung Wuto tüsho sühmüh lakhi khülang lah, tsüngpungtsüngpung aru nangde, athsümünimbe chinthrüm nangde, amüküp tsüngpungtsüngpung nangde, zhikhiukde abukkhi kebo; api khahnü arübo alo kheak jipkhia bahbah.

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

ISAIA 3:12

I mihtsürübo–azürübo arü junorü ah, tüsho azoberünü arü kurungkheak yakzan shuhchoh. O I mihtsürübo, nüsa limberübonü nüsa bemüchihchoh, tüsho nüsa limro yingyingshihchoh.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 30:28

api sheak thsükhi ju ketokhi ayung nangde hung khiunglah–athsümünimbe yikeangnü trükshihbo ayipü, tüsho mihtsürü münjak ching arü bephülappü münrhükbe lah.

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 44:20

Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 13:25

Ha nü shihcham, inü nü kilim akhukhitkhi shihcham, Atungpuhnü thachoh, “Tümütüsho nünü I mihabah tüsho akeangkeang ching kin.

JEREMIA 14:13

Judüki inü tha: “Ah, Atungpuh T H RÜ NPU H ! Ha ching wukihrübonü arü ki thachoh, ‘ Nüsanü nukshang müngü, yungsho nüsa khümzung müla, tüshe ha dangpung thiyuro mungtsü inü nüsa kilim jihbah.’ ”

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 44:17

Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

JEREMIA 5:12

Arünü Atungpuh dünkheak mülimde asukdo, tüsho tha, “Apinü tümü müthsü. Tümü amütsü isa kheak marü, tüsho isanü thirithsü yungsho khümzung müngü.”

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

EZEKIEL 13:16

Israel wukihrü sherübonü Jirusalem ki müchitkhea tüsho mungtsü mülachoki mungtsü michih ngükhea, Wuto Atungpuhnü thachoh.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

EZEKIEL 22:28

Wukihrübonü arü thsung thsüde amüyenü mujudo, arükchih michih ngüde tüsho arü thsungkheak Atungpuhnü müthakhi akeangyu müchitde thachoh, “Atungpuh Thrünpuhnü ha thachoh.”

EZEKIEL 8:12

Apinü I ki tha, “Mihtsürü tsührü, Israel yamkhün azothsürübonü nihbuh sangthsü kingaünpung ching ramde tümü rhimochonü ngünah? Arünü tha, ‘Atungpuhnü isa müngü; Atungpuhnü alomi bahyukdo.’”

DANIEL 11:22

Api müngüh bonungrübo tüsho Thrünpuh yo Achangbe Amükeambuh she shahde phüta bahbah tüsho alaksahbah.

DANIEL 9:27

Apinü mihtsürübo ahihdo kheak kam thüne düküngde thiyuchihchimkhi khülang labah, tüsho küyimki ha kim thripkhüh hobanü, apinü laksah-a kingaünkhi tüsho kingaünbo kheamshihbah. Athsümünimbe mihtrebe ju arüngyam ku kheak labah tüsho ha ju kheak akheam marüchoki khiungde alabah.”

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

AMOS 6:13

Nüsa sherü Lodebar kukkhi ching asühachihcho, sherünü tha, “ Isanü isa sühmühnü Karnaim lukhi yung de?”

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”